๐๐ขฬ๐ฅ๐ข, ๐๐ ๐๐๐ง๐๐ข๐ซ๐ฎ ๐๐๐๐. Prezidente Komisaun Ezekutiva (KE) Bee Timor-Leste, Empreza Públika (BTL, E.P), Gustavo da Cruz ho Vise-Prezidente KE BTL, E.P ba Asuntu Korporativu, Manuel Tomas Amaral de Carvalho, akompaña hosi Diretór Enjeñaria no Investimentu (DEI), João da Cruz Cardoso, partisipa iha sesaun reflesaun "๐๐ข๐ ๐๐ ๐ข ๐๐ ๐ท๐๐ง๐๐๐๐ข ๐๐๐๐ฃ๐๐ ๐ข ๐ก๐๐๐๐ 2025, ๐๐๐๐๐๐๐ ๐ธ๐ง๐๐๐ข๐ก๐ ๐๐๐๐๐ข & ๐๐๐๐๐๐๐๐ ๐๐ ๐ก๐๐๐๐ 2026 ๐๐๐๐, ๐๐๐๐๐ข๐ ๐ท๐๐ ๐ก๐๐๐๐ข๐๐ ๐๐ข๐ ๐๐๐๐๐ก๐ ๐น๐๐ ๐๐ฬ๐ ๐๐๐ ๐๐๐๐๐ก๐ข ๐ฝ๐๐๐ฬ๐ ๐ธ๐ ๐ก๐๐๐ข (๐๐ฝ๐ธ) 2026, ๐๐๐๐๐ ๐ก๐ฬ๐๐๐ข ๐๐๐๐๐ ๐๐ขฬ๐๐๐๐๐๐ (๐๐๐)”, iha salaun Delta Nova, Díli.
Sesaun reflesaun ne'e, lidera hosi Ministru Obras Públikas (MOP), Samuel Marçal no partisipa hosi Sekretáriu Estadu Eletrisidade Bee no Saneamentu (SEEAS, sigla portugés), Prezidente hosi Ajénsia Autónoma sira, Diretór/a-Jerál no funsionáriu MOP nian, ho objetivu hodi reflete fila-fali no bele rona atinjimentu no problema ou dezafiu hotu-hotu, ne’ebé enfrenta no ultrapasa ona, iha tinan 2025 liuba, atu prepara ba ezekusaun planu no programa sira iha tinan ne'e.
Durante iha sesaun ne’e, Ministru Obras Públikas (MOP), Samuel Marçal, agradese ba servisu, esforsu no dedikasaun tomak funsionáriu hotu-hotu nian no pronunsia mos ezekusaun orsamentu MOP ba tinan 2025 nian ne’ebé atinje 94%.
Ministru mos husu ba hotu-hotu, atu servisu makaas liu tan, servisu ho domin, responsabilidade, fuan boot nafatin, disiplin no hasa’e vontade servisu, hodi serví povu no nasaun ida ne’e, liuhosi infraestrutura bázika, estrada, ponte, bee no eletrisidade, importante mak servisu hamutuk no unidade, nune'e sei hetan progresu ne'ebé di'ak.
Iha sesaun reflesaun ne’e, Prezidente KE BTL, E.P, Gustavo da Cruz destake observasaun liga ba koordenasaun servisu, iha tinan 2025 nian, tanba iha ona ekipa konjunta BIR MOP, ida ne’e di’ak tebes, hein katak, iha tinan 2026 ne’e bele iha koordenasaun servisu ne’ebé di’ak liu tan.
Ezekutivu BTL, E.P informa, ohin seidauk bele pronunsia detalla kona-bá relatóriu ezekusaun tinan 2025, tanba auditoria interna BTL, E.P nian, sei halo hela auditóriu ba relatóriu empreza nian, wainhira finaliza sei submete ba MOP hodi hetan apresiasaun. Maibé jeralmente ezekusaun OJE 2025 nian la’o di’ak, tuir planu ne’ebé iha, enkuantu reseita mak la konsege atinji metas ne’ebé traxa ona iha planu tinan 2025 nian, tanba menus 12%, kauza hosi servisu hirak ne’ebé implementa hela iha kapitál Díli, liu-liu projetu alargamentu estrada, hodi afeta ba sistema kanalizasaun sira, nune’e konsumidór sira labele selu tarifa bee.
Share on Social Media:
.jpeg)
