Dili,12 Maiu 2026 - Vise-Prezidente KE BTL, E.P ba Asuntu Tékniku, José Filipe Ximenes Smith akompaña husi Diretór Operasaun no Manutensaun Alexio Dos Santos partisipa iha seremonia lansamentu relatóriu avaliasaun vunerabilidade integradu (IVA) ba 112 sukus no relatóriu annual ambental 2025 ne’ebe deskreve kona-ba vunerabilidade komunidade husi impaktu alterasaun klimatika iha timor leste.
Relatóriu ne’e produs husi Diresaun Jeral Ambiente - Ministeriu Turismu no Ambiente ne’ebe hakerek kona-ba rezultadu servisu sira ligadu ba protesaun no konservasaun ambiental durante tinan 2025 no rezultadu husi annaliza vunerabilidade integradu iha nivel suku iha Timor-Leste.
Seremonia lansamentu rezultadu avaliasaun vunerabilidade integradu no relatóriu annual 2025 ne’e realiza iha Centro Convensaun Dili (CCD)Tersa semana ne’e.
Seremónia ne'e hetan partisipasaun husi koordenadór jerál ambiente, Sr. Alves Gomes Matins, ne'ebé reprezenta Vise-Primeiru-Ministru, Ministru Kordenadór ba Asuntu Ekonómiku no Ministru Turizmu no Ambiente, hamutuk ho diretór jerál ambiente, diretór nasionál ambiente, presidente ATTL. IP, presidente ANLA. IP, vice-prezidente BTL,E,P no reprezentante no parseiru dezenvolvimentu sira.
Share on Social Media:
