𝐃𝐢́𝐥𝐢, 𝟐𝟑 𝐉𝐚𝐧𝐞𝐢𝐫𝐮 𝟐𝟎𝟐𝟔. Jestór Legál Bee Timor-Leste, Empreza Públika (BTL, E.P) akompaña ekipa Project Management Unit Water and Sanitation (PMU WatSan) hala’o sorumutu ho parte Dioseze Díli nian, Pe. Vigáriu Arkidioseze Díli no Pe. Pároku Same nian, iha Lecidere.
Reuniaun ne’e, hodi deskute kona-bá negosiasaun akordu ligadu ho patrimóniu ou parsela rai misaun nian iha Same, Munisípiu Manufahi, ne’ebé sei utiliza hodi instala tanke rezervatóriu bee.
Rekorda mos katak, parsela rai misaun nian ne’ebé afeta hosi investimentu ne’e, sei laiha fa’an no sosa (laiha 𝑐𝑜𝑚𝑝𝑟𝑎 𝑒 𝑣𝑒𝑛𝑑𝑎), maibé sei iha de’it akordu entre dioseze ho BTL, E.P liga ba oferese parsela rai misaun nian ba BTL, E.P hodi utiliza ba konstrusaun tanke rezervatóriu bee, iha Same Vila.
Ho nune’e ohin, juríku BTL, E.P akompaña PMU WatSan halo diskusaun ho parte Dioseze, hodi kompleta pontu prinsipál sira, molok hakat ba asinatura formál ba akordu ne'e.
Share on Social Media:
