Díli, 14/03/2025, Prezidente Komisaun Ezekutiva (KE) Bee Timor-Leste, Empreza Públika (BTL, E.P), Sr. Gustavo da Cruz, akompaña hosi Vise-Prezidente KE BTL, E.P ba Asuntu Korporativu, Sr. Manuel Tomás Amaral de Carvalho, Diretór DOM, Diretór DEI, DAF, Jestór RP & GIS, Jestór Infraestrutura no Legál ho ekipa, asina kontratu ho kompañia lima ne’ebé kompostu hosi kompañia JOHJU BIA MUAS II Unipessoal, Lda, CYRUS Unipessoal, Lda, Marju Co, Lda, May Moco Unipessoal, Lda no Leo Hara Unipessoal, Lda, hodi implementa Projetu Melloramentu no Konstrusaun Sistema Fornesimentu Bee Moos ba iha postu-administrativu lima hanesan Postu-admministrativu Hatulia A no B, Iliomar, Lautém no Balibo. Seremónia asina kontratu ne’e, realiza iha salaun enkontru, edifísiu sentrál BTL, E.P, Caicoli.
Molok asina kontratu, Prezidente K.E BTL, E.P husu ba kompañia manan na’in sira, atu asegura konfiansa ne’ebé BTL, E.P fó, nune’e bele finaliza projetu tuir termu kontratu ne’ebé iha.
“π»ππ’ βπ’π π’ ππ ππππ ππππ’ πππ£ππππ’ ππ ππππ ππππ’ π΅ππΏ, πΈ.π ππππ ππ πππ’ππ ππππππππ π ππ’π, ππ πππ’ππ πππ πππ πππππ πππππ ππ’πππΜ ππ ππππ π πππ πβπ ππππ’ππππ‘π’ π πππ βππ‘πππ πβπ π΅ππΏ, πΈπ βπππ βππ‘ππ π‘βπ πππ π‘ πππ ππ ππππππ‘π’ ππ’π. πΎπ’ππππ’ πβπ πππ π‘ π ππππππππ πππ‘ππ πππ πππππ‘π’ πβπ ππ πππ‘π’ π‘πππ’, ππππππ ππππ’, πππππππππ‘π’ ππ ππππ’ππ π’ π’ππππ’ ππ‘π’ ππππ ππ§πππ’π‘π ππππππ‘π’”.
Prezidente KE BTL, E.P akresenta, sei la admite justifikasaun ne’ebé klásiku ou la razoavel, wainhira atraza iha implementasaun projetu fíziku. Ho nune’e husu ba kompañia manan nain sira, atu ezekuta projetu tuir kalendáriu ne’ebé kompañia rasik aprezenta ona iha dokumentu sira ba aprovizionamentu nian no hein katak kalendáriu implementasaun ne’e bele kondiz ho situasaun sira iha terrenu, atu nune’e wainhira iha mudansa ruma bele fásil halo ajustamentu.
Ezekutivu BTL, E.P orienta ona Diretór, Enjeñeiru no Koordenadór munisípiu sira atu halo akompañamentu ba projetu sira nomos BTL, E.P sei koloka supervisor no asistente Supervizór hodi halo supervizaun ba projetu fíziku iha terrenu.
Administradór Postu-administativu Balibo agradese ba BTL, E.P tanba ohin bele realiza asina kontratu ho kompañia sira hodi implementa projetu bee moos, tanba ne’e, sira sei fó apoiu tomak ba projetu ne’ebé sei implementa iha sira nia postu.
Autoridade lokál hosi P.A Iliomar, Hatulia A no B inklui xefe, sira deklara sira prontu atu koopera no servisu hamutuk ho BTL, E.P no kompañia ba implementasaun projetu sira ne’e, maibé sira husu ba kompañia atu emprega traballadór sira tenke abitante sira hosi suku ne’ebé projetu atu implementa ba.
Diretór Kompañia Marju Co, Lda agradese ba BTL, E.P ne’ebé fó ona konfiansa ba kompañia nomos sei tau kondierasaun ba pedidu hosi autoridade lokál nian liga ba kestaun kulturál no empregadór lokál sira iha projetu ne’e. No na’in ba kompañia ne’e solisita atu kria koordenasaun di’ak liu tan ba kestaun téknika nian, atu nune’e labele prejudika implementasaun obra fíziku.
Projetu Konstrusaun Sistema Fornesimentu Bee Moos ne’ebé sei implementa iha Postu-adminsitrativu Hatulia A, munisípiu Ermera ne’e, sei implementa hosi kompañia JOHJU BIA MUAS II Unipessoal, Lda ho orsamentu ne’ebé prevé ba projetu refere ho montante $ 620.193,36. No projetu refere sei kobre multi suku iha PA Hatulia A nomos sei benefisia ba uma kain 469 ho nia populasaun 2814 inklui sei fornese mos bee ba instituisaun sira hanesan, postu saúde, eskola igreja no postu polísia.
Enkuantu Projetu ba P.A Hatulia B, munisípiu Ermera nian, sei implementa hosi kompañia CYRUS Unipessoal, Lda ho totál fundus $ 424.515,42. Projetu ne’e mos sei kobre multi suku ne’ebé perténsia ba postu refere no sei fornese bee ba uma kain 225 ho nia populasaun 1.350 nomos ba postu saúde, igreja no eskola.
No kompañia Marju Co, Lda sei kaer Projetu Melloramentu Sistema Fornesimentu Bee moos iha P.A Iliomar, munisípiu Lautém ho kustu ne’ebé prevé ba obra ne’e hamutuk $ 749,177.80. Projetu ne’e sei kobre ba suku haat hanesan, suku Iliomar I, II, Ailebere no Fuat liu-liu aldeia Romutau, ho benefisiáriu hamutuk uma kain 378 no totál populasaun 2.268 inklui sei fornese mos bee ba instituisaun públiku sira hanesan postu saúde, eskola, igreja no postu administrasaun.
Nune’e mos Projetu Melloramentu Sistema Fornesimentu Bee Moos ne’ebé sei implementa iha P.A Lautém, munisípiu Lautém nian, sei ezekuta hosi kompañia May Moco Unipessoal Lda, ho totál orsamentu $ 636,480.50. projetu ne’e sei kobre suku Parlamento ho uma kain 150 no nia populasaun 882, suku Pairara, totál populasaun 888 no uma kain 148 nomos multi suku ho totál populasaun 738 no família 123, inklui sei fornese mos bee ba fasilidade públika hanesan, postu saúde, eskola no igreja.
Alen de ne’e, Projetu Melloramentu Sistema Fornesimentu Bee Moos sei implementa mos iha P.A Balibo, munisípiu Bobonaro no kompañia Leo Hara Unipessoal Lda mak sei kaer obra refere ho totál fundus $ 677.781,20. Projetu bee moos ne’e sei kobre aldeia Balibo Villa, Amandato, Fatululik no Atara, iha suku Balibo Villa ne’ebé perténsia ba P.A Balibo. No família ne’ebé sei benefisia ba projetu ne’e hamutuk 373 ho nia populasaun 2.238 no sei fornese mos bee ba eskola, igreja no postu saúde.
Projetu konstrusaun no melloramentu ne’ebé sei implementa iha Postu-administrativu lima ne’e, sei utiliza sistema bee urbana, iha ne’ebé sei kanaliza bee ba uma kain ida-idak nomos sei monta metru kontadór, nune’e kliente sira bele konstribui reseitas ba Estadu.
Share on Social Media:
