Díli, 27/02/2024, Hafoin kompañia implementadór finaliza tiha perfurasaun bee foun ne’ebé lokaliza iha Beduku, Comoro, postu-administrativu Dom Aleixo, munisípiu Díli. No Jestór hosi Departamentu Infraestrutura BTL, E.P ho ekipa hamutuk ho tékniku MOP no kompañia kontinua halo teste bombeamentu (Pumping test) ba Emergency Project for Water Drilling Works in Capital Dili nian, liu-liu perfurasaun bee foun ne’ebé lokaliza iha Beduku, Comoro. Hodi bele hatene débitu bee iha perfurasaun ne'e.
Pumping test ne’e, realiza étapa dahuluk ho durasaun tempu oras ida no hetan rezultadu volume bee litru lima (5 l/s), étapa daruak nian litru neen pur segundu (6 l/s), étapa datoluk nian mak litru hitu pur segundu (7 l/s) no étapa finál nian mak ho durasaun tempu oras 24 nia laran no nia rezultadu hosi Pumping test ikus nian hatudu débitu bee hosi perfurasaun refere ne'e, litru 7,68 pur segundu (volume 7,68 l/s).
Iha biban ne'e mos, ekipa hosi Departamentu Kontrolu Kualidade no Ambiente (DCQA, sigla portugés) tun ba terrenu, hodi foti amostra iha perfurasaun bee foun ne’e, hodi halo análize ou teste fíziku, kímiku no bacteriology, hodi hatene no haree kualidade bee hosi perfurasaun refere.
Enkuantu projetu perfurasaun ne’e, nudár pakote ida mak Emergency Project for Rehabilitation Water Drilling Works in Capital Dili no orsamentu ne'ebé finansia ba projetu pakote perfurasaun ne'e, mai hosi Fundus Infraestrutura (FI) ho montante $ 258,534.23 no ezekuta hosi kompañia Alifa Pereira Unipessoal Lda.
Share on Social Media:
