Díli, 05/05/2023. Vise-Prezidente Komisaun Ezekutivu (KE) Bee Timor-Leste, Empreza Públika (BTL, E.P) ba Asuntu Sistema Bee, Saneamentu no Drenajen, Sr. Gustavo da Cruz, akompaña hosi Diretór Diresaun Enjeñaria no Investimentu (DEI), Sr. João Baptista da Cruz Cardoso, partisipa iha reuniaun dahuluk ne’ebé organiza hosi Ajénsia Nasionál Planeamentu, Monitorizasaun no Avaliasaun (ANAPMA), no lidera hosi Diretór-Jerál Planu no Orsamentu hosi Ministériu Obras Públikas (MOP) no marka mos prezensa hosi Diretór Ezekutivu ANAPMA. Reuniaun ne’e realiza iha salaun enkontru MOP, Caicoli, Díli.
Objetivu hosi enkontru ne’e, hodi prepara Planu Médiu Prazu ne’ebé hetan ona apresiasaun hosi Konsellu Ministru (KM) nomos halo koordenasaun atu kria grupu traballu ba elaborasaun Planu Médiu Prazu hosi Subsetoriál sira ne’ebé mak tutuela iha MOP, liu-liu Bee Moos no Saneamentu, Eletrisidade, Estradas no Pontes.
Iha reunaiun ne’e, ekipa téknika hosi ANAPMA halo mos aprezentasaun hodi introduz ba entidade hotu ligadu ho kuadru Planu Médiu Prazu nian no oinsá atu estabelese grupu traballu ne’e nomos identifika parte ne’ebé de’it mak sei hola parte iha grupu traballu refere.
Partisipa iha reuniaun mai hosi MOP, BTL, E.P rasik, ANAS, I.P, EDTL, E.P, ANE, I.P nomos ekipa ANAPMA.
Share on Social Media:
