Bobonaro, 14/09/2023. Iha loron 12 fulan ne’e, Jestór Infraestrutura Bee Timor-Leste, Empreza Públika (BTL, E.P) ho ekipa akompaña hosi Supervizór BTL, E.P nian ne’ebé destakadu iha postu-administrativu Maliana Villa munisípiu Bobonaro, halo monitorizasaun ba Projetu Konstrusaun uma Balkaun BTL, E.P nian, iha postu-administrativu Maliana Villa, munisípiu Bobonaro.
Atividade monitorizasaun ne'e, hodi observa direta servisu fíziku iha terrenu nomos hodi hatene progresu hosi obra ne'e rasik. Tuir observasaun iha terrenu, traballadór hosi kompañia implementadór nian, halo hela servisu fíziku iha terrenu, tuir dezeñu ne'ebé mak eziste. Bazeia ba rezultadu monitorizasaun nian, daudaun ne’e, projetu fíziku atinji ona pursentu pursentu 75 (75%).
Enkuantu uma balkaun ne’e, wainhira finaliza, atu fasilita ekipa BTL, E.P, liu-liu funsionáriu BTL, E.P munisípiu Bobonaro nian, hodi hala’o servisu ou halo atendimentu ba kliente sira.
Share on Social Media:
