Metinaro, 22/04/2025. Akontese inséndiu iha Estasaun Tratamentu Bee Hemu (Dessalinizasaun Metinaro), hodi rezulta painel kontrolu (Multi Junction Box) ida ahi han mutuk, AC outdoor ida, uma haat parte liur nian hetan estragus, solar painél tolu nomos fiu sira ahi han motuk.
Ho kazu inséndiu ne’e, ohin, Diretór O&M Bee Timor-Leste Empreza Públika (BTL, E.P) akompaña hosi Ofisiál O&M hamutuk ho parte seguransa PNTL Metinaro observa no halo identifikasaun ba fasilidade movél no imovél sira ne’ebé hetan estragus, iha Estasaun Tratamentu Bee Hemu (Dessalinizasaun Metinaro).
Bazeia ba informasaun hosi pesoál seguransa ne’ebé hein estasaun ne’e katak, inséndiu ne’e akontese horseik meiu dia mais ou menos tuku 13 liu minute 18 (13:18) otl, ne'ebé deskonfia kauza hosi sirkuítu iha painel kontrolu, nune’e hodi alastra ba fatin seluk, maibé pesoál seguransa ne’e konsege lori bee hodi rega mate inséndiu refere.
Share on Social Media:
