Díli, 24/04/2024. Vise-Prezidente Komisaun Ezekutiva Bee Timor-Leste, Empreza Públika (BTL, E.P) ba Asuntu Sistema Bee, Saneamentu no Drenajen, Sr. Gustavo da Cruz, enkontru ho ekipa hosi Cruz Vermelha de Timor-Leste (CVTL), ne’ebé iha sala reuniaun Ezekutivu nian, iha edifísiu sentrál BTL, E.P, Caicoli
Hafoin remata enkontru, Xefe Departamentu Saúde iha CVTL & Responsável ba Bee no Saneamentu, João Pinto hatete, reuniaun ne’e, hodi halo konsultasaun ho BTL, E.P atu bele involve ideia sira, hodi kontribui ba planu estratéjiku CVTL nian, ba tinan lima oin mai.
Relativamente ba planu estratéjiku ne’e, Vise-Prezidente KE BTL, E.P ba Asuntu Sistema Bee, Saneamentu no Drenajen fó apoia tomak no rekomenda ba CVTL atu labele foku de’it ba atividade báziku sira, maibé presiza ajusta ou tau mos importánsia ba servisu melloramentu nian, atu nune’e labele dupla servisu iha fatin ida.
“𝑉𝑖𝑠𝑒-𝑃𝑟𝑒𝑧𝑖𝑑𝑒𝑛𝑡𝑒 𝑎𝑝𝑜𝑖𝑎 𝑡𝑜𝑚𝑎𝑘 𝐶𝑉𝑇𝐿, 𝑡𝑎𝑛𝑏𝑎 𝐶𝑉𝑇𝐿 𝑠𝑒𝑟𝑣𝑖𝑠𝑢 𝑚𝑜𝑠 𝑏𝑎 𝑖ℎ𝑎 𝑏𝑒𝑒 𝑛𝑜 𝑠𝑎𝑛𝑒𝑎𝑚𝑒𝑛𝑡𝑢, 𝑒𝑛𝑡𝑎𝑢𝑛 𝑉𝑖𝑠𝑒-𝑃𝑟𝑒𝑧𝑖𝑑𝑒𝑛𝑡𝑒 𝑛𝑖𝑎 𝑟𝑒𝑘𝑜𝑚𝑒𝑛𝑑𝑎𝑠𝑎𝑢𝑛 𝑚𝑎𝑘 𝑒𝑠𝑡𝑟𝑎𝑡𝑒𝑗𝑖𝑎 𝑖𝑑𝑎 𝑛𝑒’𝑒, 𝐶𝑟𝑢𝑧 𝑉𝑒𝑟𝑚𝑒𝑙ℎ𝑎 ℎ𝑎𝑙𝑜 𝑝𝑟𝑜𝑗𝑒𝑡𝑢 𝑖ℎ𝑎 𝑎́𝑟𝑒𝑎 𝑟𝑒𝑚𝑜𝑛𝑡𝑎𝑠 𝑘𝑎𝑟𝑖𝑘 𝑙𝑎𝑏𝑒𝑙𝑒 ℎ𝑎𝑛𝑜𝑖𝑛 𝑜𝑢 ℎ𝑎𝑟𝑒𝑒 𝑑𝑒’𝑖𝑡 𝑏𝑎 𝑖ℎ𝑎 𝑛𝑖́𝑣𝑒𝑙 𝑏𝑎́𝑧𝑖𝑘𝑢 𝑚𝑎𝑖𝑏𝑒́ 𝑏𝑒𝑙𝑒 𝑏𝑎 𝑖ℎ𝑎 𝑛𝑖́𝑣𝑒𝑙 𝑚𝑒𝑙𝑙𝑜𝑟𝑎𝑚𝑒𝑛𝑡𝑢 𝑛𝑖𝑎𝑛, 𝑎𝑡𝑢 𝑛𝑢𝑛𝑒’𝑒 𝑠𝑒𝑟𝑣𝑖𝑠𝑢 𝑛𝑒’𝑒 𝑙𝑎𝑏𝑒𝑙𝑒 𝑑𝑢𝑝𝑙𝑎, 𝑘𝑢𝑎𝑛𝑑𝑢 𝑖𝑡𝑎 𝑘𝑜𝑛𝑡𝑖𝑛𝑢𝑎 𝑖ℎ𝑎 𝑛𝑖́𝑣𝑒𝑙 𝑏𝑎́𝑧𝑖𝑘𝑢, 𝑒𝑛𝑡𝑎𝑢𝑛 𝑎𝑏𝑎𝑛 𝑏𝑎𝑖𝑛𝑟𝑢𝑎 𝑜𝑟𝑔𝑎𝑛𝑖𝑧𝑎𝑠𝑎𝑢𝑛 𝑠𝑒𝑙𝑢𝑘 𝑏𝑎 𝑓𝑎𝑙𝑖, ℎ𝑎𝑙𝑜 𝑡𝑎𝑛 𝑠𝑒𝑟𝑣𝑖𝑠𝑢 𝑛𝑒’𝑒𝑏𝑒́ 𝑚𝑎𝑘 ℎ𝑎𝑛𝑒𝑠𝑎𝑛. 𝐸𝑛𝑡𝑎𝑢𝑛 𝑟𝑒𝑘𝑜𝑚𝑒𝑛𝑑𝑎 𝑝𝑎𝑟𝑎 𝑖ℎ𝑎 𝐶𝑟𝑢𝑧 𝑉𝑒𝑟𝑚𝑒𝑙ℎ𝑎 𝑛𝑖𝑎 𝑒𝑠𝑡𝑟𝑎𝑡𝑒𝑗𝑖𝑎 𝑛𝑒’𝑒 𝑚𝑜𝑠 𝑏𝑒𝑙𝑒 𝑡𝑎𝑢 𝑚𝑜𝑠 𝑎𝑡𝑖𝑣𝑖𝑑𝑎𝑑𝑒 𝑚𝑒𝑙𝑙𝑜𝑟𝑎𝑚𝑒𝑛𝑡𝑢 𝑘𝑎𝑡𝑎𝑘 ℎ𝑎𝑠𝑎’𝑒 𝑎𝑡𝑖𝑣𝑖𝑑𝑎𝑑𝑒 ℎ𝑜𝑠𝑖 𝑛𝑖́𝑣𝑒𝑙 𝑏𝑎́𝑧𝑖𝑘𝑢 𝑏𝑎 𝑖ℎ𝑎 𝑛𝑖́𝑣𝑒𝑙 𝑚𝑒𝑙𝑙𝑜𝑟𝑎𝑚𝑒𝑛𝑡𝑢 𝑛𝑖𝑎𝑛”, Xefe Departamentu Saúde iha CVTL & Responsável ba Bee no Saneamentu.
Share on Social Media:
