Díli, 09/02/2024. Prezidente Komisaun Ezekutiva Bee Timor-Leste, Empreza Públika (BTL, E.P), Eng. Carlos Peloi dos Reis akompaña hosi Vise-Prezidente KE BTL, EP ba Asuntu Sistema Bee, Saneamentu no Drainajen, Sr. Gustavo da Cruz enkontru ho Diretór Operasasaun no Manutensaun (DOM), Diretór Administrasaun no Finansas (DAF), Diretór Enjeñaria no Investimentu (DEI), Jestór Peskiza & GIS, Jestór Infraestrutura, Jestór DAK, Jestór Interinu DCQA no atuál Jestór Legál nomos Jestór IT, iha sala reuniaun Ezekutivu BTL, EP sentrál, Caicoli.
Reuniaun ne'e hodi avalia no orienta direta Kargu Xefia sira atu aselera progresu servisu operasaun no manutensaun nian, inklui implementasaun pareser tékniku ne'ebé hato'o hosi parseiru internasionál, atu nune'e bele mellora diak liu tan servisu abastesimentu bee moos ba komunidade.
Alende ne'e, agora iha hela époka udan, nune'e iha posibilidade kria ou hamosu estragu ba sistema fornesimentu bee moos nian, tanba ne'e, Ezekutivu sira husu ba Diretór no Jestór sira atu kria planu servisu, nune'e wainhira akontese estragu ruma bele responde ou halo atuasaun imediatu ba sistema hirak ne'e.
Enkuantu pareser tékniku ne'ebé hato'o hosi parseiru JICA iha TL no Espesialista Japaun nian mak ligadu ho servisu tratamentu bee moos nomos servisu O&M nian.
Share on Social Media:
