Díli, 12/02/2024. Vise-Prezidente Komisaun Ezekutiva Bee Timor-Leste, Empreza Públika (BTL, EP) ba Asuntu Sistema Bee, Saneamentu no Drainajen, Sr Gustavo da Cruz, akompaña hosi Diretór Enjeñaria no Investimentu (DEI), Jestór Peskiza & GIS nomos tékniku DCQA partisipa iha enkontru Koordenasaun ne'ebé realiza hosi Diresaun Jerál Terras no Propriedades, Ministériu Justisa, iha edifísiu sentrál DTJP, Bebora, Dili.
Reuniaun ne'e lidera hosi Diretór-Jerál Terras no Propriedades, Sr. Lucas António da Costa ho objetivu hodi koordena atu prepara ba faze negosiasaun ho komunidade afetada hosi projetu melloramentu ba Estasaun Tratamentu Bee Fo'er (ETAR, sigla portugés), booster pump no infraestrutura sira seluk ne'ebé ligadu ho projetu refere.
Enkuantu projetu ne'e, sei implementa iha suku Bebonuk, postu-Administrativu Dom Aleixo, munisípiu Díli. No daudaun ne'e, prepara hela ba faze Dezeñu Detalladu ou DED, maibé molok hakat ba faze refere, presiza liberta uluk rai ne'ebé afeta hosi projetu ne'e.
Enkontru ne'e, partisipa mos hosi Diretór Ezekutivu MCA-TL, IP. Embaixadór Constâncio da Conceição Pinto, Prezidente Autoridade Munisípiu Díli, Guilhermina Filomena Saldanha Ribeiro, Administradór Postu-Administrativu Dom Aleixo, parte parte DNTP, DGTP-SETP, DNRN, Xefe Suku Bebonuk, Xefe Aldeia no partisipante sira seluk.
Share on Social Media:
