Díli, 02/08/2024. Diretór Operasaun no Manutensaun (DOM), Aleixo dos Santos ho Diretór Enjeñaria no Investimentu (DEI), João Da Cruz Cardoso partisipa iha enkontru koordenasaun ho SEEAS, DNRAS, UNDP, FEDA, CM-NSH, Reprezentante Autoridade Administrativa Ataúro, iha salaun enkontru Gabinete SEEAS, Caicoli.
Reuniaun ne'e, hodi halo koordenasaun no deskute ho parte relevante sira, relasiona ho rezultadu relatóriu SEEAS nian, liga ba servisu melloramentu ba konstrusaun sistema bee moos iha Ataúro nomos rekursu bee inklui débitu bee ne'ebé kontinua menus, hodi prejudika servisu abastesimentu bee moos ba konsumidór sira.
Durante iha sorumutu ne'e, entidade sira hato'o sira nia ideia/opiniaun, oinsá atu servisu hamutuk buka alternativa hodi solusiona kestaun refere, liuhosi konservasaun bee no jere rekursu ne'ebé iha ho di'ak nomos prepara rekursu ne'ebé kualifikadu ou profisionál hodi jere sistema bee iha Ataúro.
Share on Social Media:
