Díli, 16/06/2025. Diretór O&M Bee Timor-Leste, Empreza Públika (BTL, E.P), Aleixo dos Santos, akompaña hosi Jestór DCQA no Ofisiál O&M, ohin, simu vizita hosi Embaixadór Japaun iha Timor-Leste, Tetsuya Kimura no Country Representative JICA nian iha Timor-Leste ho ekipa, iha ETA Central, Bairo-Pité.
Alen de ne’e, ekipa BTL, E.P hamutuk ho Embaixadór Japaun no parseiru JICA kontinua hala’o vizita bá ETA Bemos, iha Manleuana no sistema kanalizasaun bee iha suku Manleuana inklui tanke rezervatóriu ne’ebé lokaliza iha Malinamuk.
Objetivu hosi vizita ne’e, atu observa direta kondisaun fasilidade no konstrusaun sistema ne’ebé antes ne’e konstroi no apoia hosi Governu Japaun, liuhosi parseiru JICA no iha posibilidade bele hadi’a wainhira nesesita.
Share on Social Media:
