.jpg)
Díli, 28/06/2023. Vise-Prezidente Komisaun Ezekutiva (KE) Bee Timor-Leste, Empreza Públika (BTL, E.P) ba Asuntu Sistema Bee, Saneamentu no Drenajen, Sr. Gustavo da Cruz, hamutuk ho Diretór-Jerál Terras no Propriedades (DJTP), Ministériu Justisa (MJ), Sr. Lucas António da Costa, Diretora Nasionál Servisu Kadastrais-Ministériu Justisa (DNSC-MJ) & Diretór Servisu Kadrastrais Terra no Propriedades Munisípiu Díli (DSCTP-MD, sigla portugés) no reprezentante Komandante PNTL Eskuadra Cristo Rei, hala’o sorumutu ho komunidade afetada, iha salaun enkontru, Ministériu Transporte no Komunikasoens, Mercado Lama, Díli.
Sorumutu ne’e, organiza hosi Project Management Unit-PMU BTL, E.P ho objetivu atu parte Diresaun Jerál Terras no Propriedades, bele fó esklaresimentu ne'ebé kle'an kona-bá prosedimentu libertasaun rai afetadu sira no esplika kona-bá estatutu rai ligadu ho reklamasaun hosi komunidade afetada sira, liu-liu liga ba komunidade sira nia parsela rai ne’ebé afeta direta hosi projetu Abastesimentu Sistema Bee iha Área Urbanu Díli.
Iha biban ne’e, parte Diresaun Jerál Terras no Propriedades halo mos aprezentasaun hodi esplika kona-bá prosesu sira, molok hakat ba faze atribuisaun rai hosi Ministériu Justisa ba BTL, E.P ne’ebé nudár na’in ba projetu hodi hahú halo investimentu.
Enkuantu komunidade afetada hosi projetu Abastesimentu Sistema Bee iha Área Urbanu Díli parte Leste nian mak área Ailok ho parsela rai hamutuk haat (4), Becusse ho parsela rai hitu (7) no Benamauk ho totál parsela rai ualu.
Alende ne'e, iha parte lokraik nian, ekipa konjunta ne'ebé kompostu hosi Vise-Prezidente KE BTL, E.P ba Asuntu Sistema Bee, Saneamentu no Drenajen, Diretór-Jerál Terras no Propriedades (DJTP), Ministériu Justisa (MJ), Diretora Nasionál Servisu Kadastrais-Ministériu Justisa (DNSC-MJ), Diretór Servisu Kadrastrais Terra no Propriedades Munisípiu Díli (DSCTP-MD, sigla portugés) no Komandante PNTL Eskuadra Dom Aleixo, kontinua hala’o sorumutu ho komunidade afetada sira hosi Bairo-Pité, Golgota, Malinamuk no Manleuana.
Sorumutu ne'e hodi ko'alia asuntu ne'ebé hanesan, ligadu ho reklamasaun parsela rai ne'ebé afetadu hosi projetu Abastesimentu Bee iha Área Urbanu Díli nian. Alende ne'e liuhosi reuniaun refere parte DJTP bele esplika detalla prosedimentu sira nomos Reklamante sira bele hato'o mos sira nia preokupasaun no sujestaun, nune'e bele tetu no halo relatóriu hodi hakat ba prosesu tuir mai, molok to'o iha faze finál nian.
Enkuantu komunidade sira ne'ebé afeta direta ba projetu refere mak hosi área Bairo-Pité ho parsela rai hamutuk 36, Golgota parsela rai rua, Malinamok tolu no Manleuana tolu.
Share on Social Media:
