Díli, 21/11/2025. Vise-Prezidente Komisaun Ezekutiva (KE) Bee Timor-Leste, Empreza Públika (BTL, E.P) ba Asuntu Korporativu, Manuel Tomás Amaral de Carvalho akompaña husi Jestora Rekursu Umanu BTL, E.P nian, hala’o enkontru ho ekipa hosi Japan International Cooperation Center (JICE), iha sala reuniaun Ezekutivu, BTL, E.P Caicoli.
Reuniaun ne’e, parte JICE mai halo aprezentasaun kona-bá programa bolsu estudu Japan Development Scholarship (JDS) nian nomos enkoraja funsionáriu BTL, E.P nian ne’ebé iha kualifikasaun atu bele aplika ba bolsu estudu refere.
Alen de ne’e, ekipa ne'e mos mai buka hatene kona-bá lala’ok servisu BTL, E,P nian inklui background ou nível estudu traballadór BTL, E.P nian.
Hafoin aprezentasaun hosi ekipa ne’e, Vise-Prezidente KE ba Asuntu Korporativu agradese ba ekipa JICE, tanba bele partilla ona informasaun sira kona-bá bolsa estudu nian mai BTL E.P no sei hato’o Prezidente KE BTL, E.P hodi haree ba asuntu ida ne’e
Share on Social Media:
