Díli, 08/11/2023, Prezidente Komisaun Ezekutiva BTL, E.P, Eng. Carlos Peloi dos Reis, simu ekipa Ministériu Defeza ho Xineza sira, enkontru hodi halo kolaborasaun servisu iha futuru, enkontru ne’e hala’o iha Salaun Komisaun Ezekutiva BTL, E.P, Caicoli.
Objetivu husi enkontru ne’e, parte Ministériu Defeza, hamutuk ho ekipa husi China hasoru Prezidente BTL, E.P, hodi fo informasaun prelimináriu ba BTL, E.P katak, futuru Ministériu Defeza sei konstrui tan edifísiu foun ida, iha Ministériu Defeza nia kotuk, ne’ebé lokaliza iha Fatuhada.
Wainhira edifísiu konstrui remata, oinsa BTL, E.P nia apoia atu bele kanaliza sistema bee ba edifísiu refere. Ho pedidu ne’e, Prezidenti KE BTL, E.P informa, iha alternativa rua, ne’ebé bele kanaliza bee ba edifísiu, maka opsaun primeiru bele hare sistema kanu ezistente, besik iha diresaun área refere, bele halo ligasaun husi sistema liña distribuisaun, maibé sistema maka liu husi diresaun ne’ebá laiha, maka opsaun ikus tenki halo perfurasaun sistema bee moos.
Relasiona ho planu konstrusaun ba edifísiu foun ne’e, agora daudaun iha hela faze estudu viabilidade.
Share on Social Media:
