Díli, 13/03/2025. Vise-Prezidente Komisaun Ezekutiva (KE) Bee Timor-Leste, Empreza Públika (BTL, E.P) ba Asuntu Korporativu, Sr. Manuel Tomás Amaral de Carvalho partisipa iha Atividade Lansamentu Planu Asaun Nasionál Kombate Stunting (PANKOS), ne'ebé realiza iha salaun Delta Nova, Díli.
Planu Asaun Nasionál Kombate Stunting PANKOS, ne'e lansa direta hosi S.E Vise-Primeiru-Ministru, Ministru Koordenadór Asuntu Sosiál no Ministru Dezenvolvimentu Rurál no Abitansaun Komunitária, Eng. Mariano Assanami Sabino ho objetivu hodi servisu hamutuk atu kombate stunting iha Timor-Leste (TL).
Iha intervensaun S.E Vise-Primeiru-Ministru, Ministru Koordenadór Asuntu Sosiál no Ministru Dezenvolvimentu Rurál no Abitansaun Komunitária, hatete kauza stunting la’os de’it hosi aihan, maibé nia kauza ida mak bee moos, tanba ne’e husu ba BTL, E.P atu bele halo mapeamentu iha territóriu Timor, atu nune’e hodi haree bee ne’ebé kualidade sira tenke proteje ho di’ak, nune’e bee labele husik ba tasi, maibé presiza halo barajen naton no tanke. Inklui tenke konserva bee, ai-laran no konserva ambiente, ida ne’e hanesan parte integradu hosi kompromisu hodi bele halakon stunting.
Partisipa iha atividade lansamentu ne'e, Ministériu relevante sira, ajénsia nasionál no internasionál, sosiedade sivil no konvidadu sira seluk.
Share on Social Media:
