Díli, 23/02/2023, I Vise-Prezidente Komisaun Ezekutiva (KE) Bee Timor-Leste, Empreza Públika (BTL, E.P) akompaña Diretór DOM no Jestór RP & GIS hamutuk ho Project Manager Unit-PMU BTL, E.P nian enkontru ho Ministériu Planu no Ordenamentu (MPO) inklui mos Asisténsia Tékniku MPO nian COWI, iha sala reuniaun edifísiu sentrál BTL, E.P, Caicoli.
Objetivu hosi enkontru ne’e mak parte MPO, BTL, E.P rasik, PMU BTL, E.P nian, inklui COWI ne'ebé nudár asisténsia téknika hosi MPO nian, partisipa iha sorumutu ne'e, hodi haree hamutuk no deskute kona-bá TOR ba DED Water Supply Project ba munisípiu neen nian, ne’ebé konsultór sira prepara ou elabora ona. Tanba ne’e, liuhosi diskusaun refere, atu bele akomoda hotu interese hot-hotu nian ou rekezitu sira hosi parseiru sira hanesan European Investment Bank-EIB, World Bank-WB, The Asian Development Bank-ADB nian tenke akomoda hotu iha TOR refere, liu-liu kestaun tékniku nian, ne’ebé konsidera importante liu ba implementasaun iha futuru, atu nune’e TOR DED ba munisípiu neen ne’e, bele reprezenta interese hotu-hotu, atu nune’e labele iha tan dezafiu hanesan TOR sira antes ne’e.
Enkuantu TOR refere antes ne'e, BTL, E.P envia ba COWI hodi hetan Komentáriu ruma no input sira nee inkorpora hotu ona no haruka ona ba ANAS, I.P hodi haree, wainhira revizaun hotu, sei haruka ba WB hodi halo tan revizaun dala ida, hafoin mak sei submete ba Ajénsia Dezenvolvimentu Nasionál (ADN) hodi halo verifikasaun, mak foin hakat ba prosesu konkursu internasionál, hodi hetan konsultór ida, atu prepara/elabora DED kona-bá Water Supply Project ba munisípiu neen nian, hanesan munisípiu Aileu, Ainaro, Bobonaro, Covalima, Ermera no Liquiça. Entretantu TOR ba DED ne’e, kuaze atinji ona ba pursentu 85 (kuaze 85%).
Share on Social Media:
