Díli, 28/12/2022, Prezidente Komisaun Ezekutiva (K.E) Bee Timor-Leste, Empreza Públika (BTL, E.P) Eng. Carlos Peloi dos Reis, hamutuk ho I Vise-Prezidente K.E BTL, E.P no II Vise-Prezidente K.E BTL, E.P, akompaña hosi Jestór no Jestora sira hosi Departamentu PAM, DAF, RH no IT hala’o enkontru via Zoom ho ekipa ADB Consultant expert ba IMS-ERP no Design Software hosi TEQsuite, hodi lansa sistema integradu ho naran Information Management System (IMS) - Enterprise Resource Planning (ERP) nebe koñesidu ho naran NetSuite, enkontru ne’e rasik, realiza iha sala reuniaun Ezekutivu, edifísiu sentrál BTL, E.P, Caicoli, Díli.
Objetivu hosi enkontru ne’e, hodi lansa sistema integradu ho naran Information Management System (IMS) - Enterprise Resource Planning (ERP)-NetSuite nune’e hahú ohin ba futuru BTL, E.P sei uza sistema NetSuite ne’e, hodi fasilita servisu ho di’ak, efisiente no efetivu, nune’e bele minimiza burokrasia no iha transparánsia.
Ohin hahú lansa ho servisu hosi DAF nian, liu-liu kona-bá prosesu pagamentu, liuhosi utilizasaun sistema ERP-NetSuite ne'e, enkuantu Diresaun no Departamentu sira seluk sei utiliza iha tempu tuir mai, tanba ne’e servisu hotu ne’ebé eziste, sei jere liuhosi sistema refere.
Sistema NetSuite hanesan aplikativu konjuntu ou módulu integradu ida, hodi halo jestaun ba prosesu prinsipál hosi negósiu, finansas no kontabilidade, rekursu umanu, aprovizionamentu, GIS, Billing System, Meter Reading no seluk tan, katak sistema informasaun ne’ebé interligadu dadus hotu no prosesu ba sistema ida.
Share on Social Media:
