𝐃𝐢́𝐥𝐢, 𝟐𝟓 𝐌𝐚𝐫𝐬𝐮 𝟐𝟎𝟐𝟔. Hafoin selebra akordu transferénsia patrimóniu entre BTL, E.P ho MCA-TL iha loron 19 fulan marsu tinan ne’e, ohin, BTL, E.P ho MCA-TL asina termu entrega no ofisialmente entrega ekipamentu hosi MCA-TL ba BTL, E.P.
Asinatura dokumentu termu entrega ne’e hala'o iha edifisiu MCA-TL, parte BTL, E.P asina hosi Diretór DAF BTL, E.P, Sidónio Freitas no MCA-TL nian hosi Jestór Assets MCA-TL nomos reprezentante MCC, parte Patrimóniu Estadu ne’ebé sai nudár sasin no akompaña hosi Diretór Ezekutivu MCA-TL, Embaixadór Constâncio da Conceição Pinto inklui tékniku PAM BTL, E.P no MCA-TL nian.
Hafoin asinatura termu entrega ne’e, MCA-TL no reprezentante MCC nian, ofisialmente entrega kedas transporte no ekipamentu sira ba BTL, E.P.
Viatura no ekipamentu hirak ne’ebé ohin entrega mai BTL, E.P, kompostu hosi kareta ida, motor ida, meja, kadeira, printer, mákina fotokópia no laptop. Assets hirak ne’e, atu bele apoia servisu sira iha setór no saneamentu nian.
Share on Social Media:
