Díli, 28/06/2023, Prezidente Komisaun Ezekutiva BTL, E.P, Eng. Carlos Peloi dos Reis, Akompaña Vise-Prezidente Komisaun Ezekutiva BTL, E.P, ba Asuntu Boa Governasaun no Fortalesimentu Institusionál, Sra. Elizabeth Amaral, Hamutuk ho Diretór Engeñaria no Investimentu, Diretór Operasaun no Manutensaun, Jestór DAK, Jestór DKKA, RH, ho ekipa tékniku sira seluk, enkontru ho parseiru JICA, ne’eb’e realiza ba dala tolu kona-bá Joint Coordanation Committee, atividade ne’e hala’o Salaun JL Villa.
Objetivu husi Joint Coordanation Committee maka halo aprezentasaun ba progresu servisu hirak, ne’ebé parseiru JICA apoia ba BTL, E.P kona-bá melloramentu sistema bee moos iha Timor-Leste, liu-liu iha kapitál Díli.
Prezidente Komisaun Ezekutiva BTL, E.P, Eng. Carlos Peloi dos Reis hatete, hanesan ita boot sira hatene JICA hanesan parseiru importante tebes, ne’eb’e apoia Governu liu husi BTL, E.P iha setór bee no saneamentu.
Prezidente afirma, parseiru JICa nia apoia ida ne’e uluk kedas, mellora sistema bee moos, maibé iha okaziaun ida ne’e, iha projetu ida kona-bá melloramentu bee moos iha Díli, ne’ebé hahu ona iha tinan kotuk, ne’ebé reuniaun ohin ne’e reuniaun ba da-toluk nian, iha reuniaun ida ne’e atu atualiza de’it progresu servisu ka implementasaun projetu, ne’eb’e identifika dezafiu no obstakulu sira, ne’ebé parte rua hasoru durante ne’e.
Liu husi enkontru liña kordenasaun ida ne’e, bele buka dalan oinsa ba future bele mellora liu tan servisu hodi lori bee ba komunidade nia leet, iha sidade Díli.
Reprezentativu JICA iha Timor-Leste, Ito Mimpei hatete, durante ne’e apoia materiál hanesan kanu no asesoris sira seluk tan, atu fo asistensia ba BTL, E.P, hodi bele mellora sistema bee moos iha kapitál Díli iha tinan kotuk. Agora dadaun mos JICA hola ona materiál, liu-liu sasan ida, ne’ebé hanesan promotor hodi bele halo konrolu ba sistema bee moos nian, sasan ida ne’e iha fulan dezembru sei to’o, sasan ne’e to’o mai hadi’a sistema ida ne’e, bele hasa’e tan presaun bee moos, hodi bele distribui bee ba konsumidór sira.
Parseiru JICA nia apoia ida ne’e, laos ba Timor-Leste de’it, maibé ajuda hanesan Nasaun Indonezia no Cambodia, tamba uluk nasaun sira ne’e mos infrenta problema bee moos hanesan ho Timor-Leste, maibé ami apoia sira konsege rezolve hodi lori bee ba nia povu, ho esperiensia ida ne’e, parte JICA iha komitmentu atu ajuda mos BTL, E.P hodi hadi’a sistema bee atu bee moos ba povu Timor-Leste, liu-liu povu iha sidade Díli.
Partisipa iha enkontru ne’e, Komisaun Ezekutiva BTL, E.P, Direjente BTL, E.P, Parseiru JICA ho nia membru, Prezidente ANAS, I.P h onia Diretór sira.
Share on Social Media:
