Díli, 18/07/2024, Vise-Prezidente Komisaun Ezekutiva BTL, E.P, ba Asuntu Boa Governasaun no Fortalesimentu Institusional, Elizabeth Amaral, lidera ekipa hodi tuir workshop, hodi ko’alia kona-bá prevensaun protesaun ba asedíu sexual no violensia ba bazeia jeneru, workshop ne’e rasik , realiza iha Salaun Enkontru BTL, E.P, Caicoli.
Iha workshop ne’e, Vise-Prezidente Komisaun Ezekutiva BTL, E.P, ba Asuntu Boa Governasaun no Fortalesimentu Institusional, husu ba partisipante sira, atu aproveita didi’ak, nune’e bele intende no komprende hodi bele implementa ho di’ak, nune’e mos bele partilla ba subordinadu/a sira seluk, ne’ebé la konsege partisipa.
Workshop ida ne’e, importante tebes, atu bele fo koñesimentu ba direjente, funsionáriu sira, oinsa bele pratíka disiplina, respeita malu, liu-liu iha servisu fatin, atu labele halo pratíka asedu sexual no violensia ba bazeia jeneru iha isntituisaun, ne’ebé haknaar an ba.
Iha kontestu prevensaun protesaun ba asedíu sexual no violensia ba bazeia jeneru, sentidu luan tebes, oinsa durante oras servisu ne’e, funsionáriu sira labele komete krime asedu sexual ne’e rasik no mos ba ema seluk mos labele halo pratíka asedu sexual hasoru ajente BTL, E.P, perante hala’o nia knaar iha terrenu.
Share on Social Media:
