Díli, 16/11/2022, Tékniku Operadór (T.O) Bee Timor-Leste, Empreza Públika (BTL, E.P) Zona 3 instala metru kontadór bee unidade rua, ba komunidade uma kain rua. Enkuantu ida instala iha aldeia Ba Di’ak no ida seluk iha aldeia Ramelau, Manleuana, postu-administrativu Dom Aleixo, munisípiu Díli.
Tékniku sira instala metru kontadór ba konsumidór nia hela fatin ne’e, tamba sira rejista ona, nune’e mos ho monta metru kontadór ne’e, bele hafasil halo kontrolu ba uzu bee lor-loron, atu nune’e labele estraga bee. Alende ne’e, kliente refere bele konstribui mos reseitas ba Estadu, liuhosi selu tarifa bee moos.
Hafoin instalasaun metru kontadór tékniku operadór sira kontinua identifika kanu ku’ak, iha aldeia Lisbutak, Manleuana, hodi halo melloramentu ba kanu hirak ne’e.
Nune’e mos, tékniku sira identifika tan GS 250mm ne’ebé lokaliza entre aldeia Lisbutak no Lemkari nian, iha ne’ebé kompañia balun ke’e rai iha fatin ne’e, nune’e sira hetan kanu refere no tuir informasaun hosi Koordenadór Zona 3 katak, kompañia sira husu atu muda kanu hirak ne’e, hodi konstroi ou halo ponte iha fatin refere.
Haree kestaun ne’e, parte tékniku sira hatete presiza koordena no prepara kondisaun molok muda sai kanu GS ne’e, atu nune’e labele prejudika komunidade sira ne’ebé durante asesu bee hosi kanu refere.
Share on Social Media:
