Díli, 21/11/2022, Tékniku Operadór (T.O), Bee Timor-Leste, Empreza Públika (BTL, E.P) Zona 3, kontinua halo melloramentu ba liña distribuisaun bee, iha área Fomento II, suku Comoro, post-administrativu Dom Aleixo, munisípiu Comoro.
Atividade melloramentu hanesan ke’e sai rai ou aspal, hodi hakoi kanu poly PE 40mm, atu nune’e liña distribuisaun hirak ne’e labele hetan estragus.
Tuir informasaun hosi terrenu katak, atividade melloramentu ne’e remata, wainhira distribuisaun la’o di’ak ona, tékniku opreadór sira sei instala mos metru kontadór, atu nune’e bele halo kontrolu ba utilizasaun bee lor-loron nian.
Alende ne’e, liuhosi atividade melloramentu ba liña distribuisaun hirak ne’e, iha sorin seluk, tékniku sira mos halo identifikasaun, hodi deskobre komunidade ne’ebé mak presaun bee kiik ou la asesu ba bee moos inklui koneksaun illegal, nune’e bele halo mos melloramentu no atividade melloramentu ne’e sei kontinua ba fatin sira seluk.
Iha loron hanesan, tékniku operadór balun hamoos ou fase kaptasaun intake Tohumeta, hafoin halo tratamentu ba bee, molok distribuisaun bee moos ba konsumidór sira ne’ebé durante ne’e asesu bee hosi ETA Bemos no ETA Central
Share on Social Media:
