Díli, 02/12/2022, Tékniku Operadór (T.O) Bee Timor-Leste, Empreza Públika (BTL, E.P) Zona 11 hamutuk ho traballadór halo melloramentu ba kanu distribuisaun bee PE NOD 50, iha aldeia Mota Kiik, suku Hera, postu-administrativu Cristo Rei, munisípiu Díli.
Tékniku sira halo melloramentu ba liña distribuisaun ne’e tanba kanu hirak ne’e feruzen no nakfera hotu, nune’e provoka bee sulin estraga iha fatin balun, hodi prejudika distribuisaun bee ba komunidade sira iha Hera, katak komunidade balun labele hetan bee no balun asesu bee ho presaun bee ne’ebé kiik, tanba ne’e, liuhosi melloramentu refere bele garante bee ba komunidade sira iha fatin refere.
Ho estragus ne’e, tékniku sira hetan orientasaun hodi halo melloramentu, nune’e bele troka hotu liña hirak ne’e feruzen no nakfera, hodi garante abastesimentu bee ba komunidade sira. Alende ne’e, iha atividade melloramentu ne’e, tékniku sira ke’e rai hodi hakoi kanu distribuisaun ne’ebé sira troka foun, atu nune’e labele hetan estragus.
Tuir informasaun hosi terrenu katak, tékniku sira konsege mellora ona kanu distribuisaun metru 200 no tékniku sira sei kontinua halo servisu refere hodi troka tan kanu ne’ebé ho nia distánsia metru 200.
Share on Social Media:
