ππ’Μπ₯π’, ππ πππ«π’π₯ ππππ.
Bee Timor Leste, Empreza Púbilika (BTL, E.P) ohin, selebra kontratu ho kompañia manan nain sira ne’ebé kompostu hosi kompañia NJZP 18 Unipessoal, Lda JV PT. Dimas Kurnia Jaya, RALAN Lda, LUCRO Unipessoal Lda no LOKOBUI ZACMA Unipessoal, Lda ba implementasaun “Projetu Konstrusaun no Melloramentu Sistema Fornesimentu Bee Moos” iha postu-administrativu haat, hanesan Postu-admministrativu Venilale, Munisípiu Baucau, PA Laclo, Munisípiu Manatuto, PA Letefoho Munisípiu Ermera no PA Remexio Munisípiu Aileu. Seremónia asinatura kontratu ne’e, realiza iha salaun enkontru, edifísiu sentrál BTL, E.P, Caicoli.
Selebrasaun kontratu ne’e, asina direta hosi Prezidente Komisaun Ezekutiva (KE) Bee Timor-Leste, Empreza Públika (BTL, E.P), Gustavo da Cruz, akompaña hosi Vise-Prezidente KE BTL, E.P ba Asuntu Korporativu, Manuel Tomás Amaral de Carvalho, Diretór DEI, Jestór RP & GIS, Jestór Infraestrutura no Legál, Koordenadór/a BTL, E.P Munisípiu haat ho ekipa BTL, E.P Nasionál nomos partisipa ou testemuña hosi Administradór Postu-administrativu Venilale, Laclo, Letefoho no Remexio inklui lideransa komunitária sira.
Planu implementasaun projetu melloramentu no konstrusaun sistema fornesimentu bee moos, iha Postu-administrativu haat ne’e importante tebes ho nia finalidade atu habesik sistema bee ba área urbana nomos hodi aumenta asesu bee moos ba komunidade no suporta dezenvolvimentu sustentavel.
Molok asina kontratu, Prezidente K.E BTL, E.P husu ba kompañia manan na’in sira, atu asegura konfiansa ne’ebé BTL, E.P fó, nune’e bele finaliza projetu tuir termu kontratu ne’ebé iha no tenke garante kualidade obra sira.
“π»ππ π ππππ ππ π’ πππππππ π‘πππ‘ππ£πππππ‘π ππππππ π πππ βπππ ππ£πππππ ππ’π ππ ππππππ‘π’ π πππ, ππππ’ππππ‘π’ ππππππ‘π’ π πππ ππ’ππ§π ππ‘π ππππ‘ π πππ πππ π‘βπ πππ π‘ ππ πππππππππ‘ππ ππ’π, ππ‘π ππππ‘ π πππ πππ βππππ ππ πππππ ππππ ππ ππππππ‘π’ ππ’πππΜ βπ π£πππΜπ ππ’ππ, ππ’ππ’π πβππ ππ‘π π ππππππ ππππ‘πππ‘π’ πππ ππ’π, βπππ πππ‘ππ πβπ πππππππππ‘ππ ππ’π πππ π ππ βππ‘π’ππ’ πππππ‘ππ π‘βπ πππ π‘ ππ π΅ππΏ, πΈ.π. πππππ πβπ ππ πππππΜππ ππ βππ‘π’ππ’, πππππ πβπ ππππ’ππππ‘π’ π‘βπ πππ π‘, πππππΜ πβπ πππ πππππππππ‘ππ ππ’π ππ’ππ§π πππβπ πππππππ π’ ππ’πππΜ π πππππππππ‘ππ£π’. ππππ’πππ’ πβπ ππππ‘πππ‘π’ ππ’π, πβπ ππππππππΜππ ππ πππ‘ππ ππππ‘π ππ’π, ππππ‘π ππππππππ’ πππ π΅ππΏ, πΈ.π βππππ ππ ππ’ππ ππ ππππππ‘π’ ππ ππππ‘π π πππ’πππ’ πππ ππππ‘πππ‘πΜπ π πππ βππππ ππ πππππππππ‘πππΜπ ππ ππππππ‘π’. πΌβπ ππππ‘πππ‘π’ ππ’π βππ‘π’π’π πππΜπ’π§π’ππ βππππ ππ’πππΜ πππ π ππ πππ ππππ πππππππππ ππ ππππππ§π ππππ πππππ πππππππ ππ’π π πππ ππ’πππΜ ππππππ§π π‘ππππ βπππ ππ ππππππ‘π’ ππππππ§π ππππ. π»ππ π ππ πππππΜππ ππ ππ’πππΜ βππ‘π’ππ’, ππππππ’ππ βππ π ππππ‘π π πππ’πππ’ (ππππππΜππ) ππ ππ§πππ’π‘π πππππ πππππππ ππ’π, πππππΜ ππππ§π ππ’ππ‘ π πππ-πππ ππππππ‘π’, πππ ππ’π ππππ ππ§π π‘ππ’ ππ‘πππ ππ’π. π»π’π π’ ππ π·ππππ‘πΜπ ππππππΜππ π πππ ππ‘π’ πππ ππ ππππ’ππ ππππ‘πππ‘π’ π πππ, ππ’ππ’π ππππ πππ‘ππππ ππππ’ππ ππππ‘πππ‘π’ ππππ, π‘ππππ ππππ‘πππ‘π’ ππ’π πππ§π ππππΜπ ππ π£πππ πππ’ ππππππππ ππ’π βππ‘π’-βππ‘π’. π»π ππ’ππ’π βπ’π π’ ππ ππππππΜππ ππ‘π’ βππππ πππππ’ππ ππππ‘πππ‘π’ ππππππ, ππ’ππ’π ππ πππππ’ππππ πβπ πππ πππππππππ‘ππ ππ’π”.
Prezidente KE BTL, E.P destake mos tempu ba implementasaun obra nian, maibé ho situasaun iha Médiu Oriente, sei fó impaktu ba mobilizasaun materiál hosi rai liur mai Timor, tanba ne’e husu atu halo aproximasaun no koordenasaun, nune’e mobilizasaun prontu iha terrenu, hodi kontinua ba lansamentu projetu.
Ezekutivu BTL, E.P rekomenda mos ba kompañia wainhira iha faze implementasaun presiza halo koordenasaun ho enjeñeiru BTL, E.P nian iha terrenu, liu-liu iha Postu-administrativu sira ne’ebé mak afeta ba projetu melloramentu no alargamentu estrada, atu nune’e bele koloka kanu kanalizasaun sira ho didi’ak no ajusta kanu iha estrada ninin, nune’e ba futuru labele fó impaktu ba kanu sira.
Ezekutivu BTL, E.P husu ba Administradór Postu haat nomos xefe suku sira atu hamutuk ho BTL, E.P tau matan ba projetu sira, nune’e bele finaliza obra refere tuir tempu ne’ebé mak sita ona iha kontratu.
Administradór Postu-administativu Remexio agradese kle’an tebes ba Prezidente, Vise no ekipa BTL, E.P tomak, tanba bele foti PA Remexio, hodi implementa programa BTL, E.P nian iha Postu ne’e no hato’o mos sira-nia prontu atu koopera ba servisu hotu.
Administradór Remexio husu ba BTL, E.P atu nafatin tau matan iha faze implementasaun nian no rekomenda ba kompañia wainhira to’o tempu atu hahú implementa projetu ne’e, tenke prepara hodi realiza uluk seremónia kulturál nian, tanba bee sensitivu no liga ho natureza, nune’e bele garante nia sustentabilidade.
Nune'e mos, Autoridade Lokál hosi P.A Laclo orgullu no apresia tebes tanba BTL, E.P bele konvida hodi marka prezensa no sai sasin ba selebrasaun kontratu ba projetu bee nian. Administradór konsidera prezensa Autoridade lokál no lideransa suku sira iha seremónia ida ne’e, hanesan parte ida oinsá atu bele akompaña malu hala’o servisu sira iha terrenu. Hanesan Autoridade Lokál sempre prontu iha tempu saida de’it, atu kolabora ho kompañia ou setór privadu sira ne’ebé nudár parseiru Estadu nian, atu nue’e bele garante investimentu iha nível Postu bele la’o ho susesu no bele fó benefísiu ba populasaun sira.
Liga ba parte kulturál nian, Administradór PA Laclo hatete rekursu bee ne'e, rekursu ida ne’ebé iha valór kulturamente nune’e husu ba kompañia atu kolabora, apoia no hakbiit malu hodi bele realiza seremónia rituál, atu nune’e bele fó susesu iha ninia atividade konstrusaun no kanalizasaun nomos bele garante ninia sustentabilidade rekursu bee labele maran.
Administradór PA Laclo rekomenda ba BTL, E.P wainhira implementasaun no utilizasaun sistema ne’e iha reseitas no iha ninia sustentabilidade, rekomenda atu espande tan sistema bee no mellora rekursu bee ne’ebé rurál ba sistema urbana, hodi aumenta reseitas bee iha nível Munisípiu.
Administradór PA Letefoho agradese tebes ba BTL, E.P no importante liu rekomenda ba kompañia manan nain ne’ebé ohin asina ona kontratu, wainhira atu hala’o servisu iha terrenu, tenke hala’o ho responsabilidade, atu nune’e bele fó benefísiu ba komunidade iha PA Letefoho, liu-liu ba uma kain 700-resin. Hanesan Autoridade prontu no nafatin hein prezensa kompañia nian iha terrenu, nune’e bele servisu hamutuk iha futuru.
Administradór PA Venilale hatete, Postu Venilale hosi uluk to’o ohin loron, foin primeira vez BTL, E.P implementa nia projetu ida ne’e, tanba ne’e agradese ba BTL, E.P no hato’o nia prontidaun atu servisu hamutuk ho BTL, E.P no kompañia manan nain, nune’e bele garante no asegura projetu ne’e susesu iha futuru, tanba komunidade sira presiza tebes bee.
Projetu Melloramentu Sistema Fornesimentu Bee Moos ne’ebé sei implementa iha Postu-adminsitrativu Venilale, munisípiu Baucau nian, sei implementa hosi kompañia NJZP 18 Unipessoal, Lda JV PT. Dimas Kurnia Jaya no orsamentu ne’ebé prevé ba projetu refere ho montante $ 1,381,495.71 Projetu refere sei kobre iha PA Venilale, liu-liu suku Fatulia, Uailaha no Uatuhaco ne’ebé sei benefisia ba uma kain 1000 nomos sei fornese bee ba instituisaun sira hanesan, Administrasaun PA Venilale, sentru saúde, eskola, parókia, eskuadra polísia no merkadu.
Enkuantu Projetu Melloramentu Rede Kanu Kanalizasaun ba P.A Laclo, munisípiu Manatuto nian, sei ezekuta hosi kompañia RALAN Lda, ho totál fundus $ 315,996.86 Projetu ne’e mos sei kobre Postu Laclo Vila, liu-liu suku Laku-Mesak, aldeia Tahagamu no Readodok ho totál uma kain 400 no populasaun 2400 inklui sei fornese mos bee ba edifísiu públiku sira ne’ebé perténsia hanesan Administrasaun PA Laclo, sentru saúde, eskuadra polísia, merkadu no eskola.
No kompañia LUCRO Unipessoal Lda sei kaer Projetu Melloramentu Sistema Fornesimentu Bee moos iha P.A Letefoho, munisípiu Ermera ho kustu ne’ebé prevé ba obra ne’e hamutuk $ 539,547.73 Projetu ne’e sei kobre suku rua hanesan suku Katrai-Kraik, no suku Dukurai ho benefisiáriu hamutuk uma kain 753 no totál populasaun 4.518, inklui sei fornese mos bee ba fasilidade públika.
Nune’e mos, Projetu Melloramentu Sistema Fornesimentu Bee Moos ne’ebé sei implementa iha P.A Remexio Vila, munisípiu Aileu nian, sei implementa hosi kompañia LOKOBUI ZACMA Unipessoal, Lda, ho totál orsamentu $ 402,430.78 Projetu ne’e sei kobre suku rua hanesan suku Asumau no suku Karahili ho uma kain 256 ho nia populasaun 1536, inklui sei fornese mos bee ba fasilidade públika
Projetu konstrusaun no melloramentu ne’ebé sei implementa iha Postu-administrativu haat ne’e, sei utiliza sistema bee urbana, iha ne’ebé sei kanaliza bee ba uma kain ida-idak nomos sei monta metru kontadór, nune’e kliente sira bele konstribui reseitas ba Estadu.
Share on Social Media:
