Díli, 04/01/2023, Ekipa BTL, EP kompostu hosi Departamentu Aprovizionamentu no Diresaun Enjeñaria no Investimentu (DEI) realiza prebid meeting ho kompañia, kona-bá projetu Pakote Perfurasaun ba Rekursu Bee Moos, ba iha postu-administrativu Atabae, munisípiu Bobonaro no postu-administrativu Aileu Villa (Aisirimou), munisípiu Aileu. Prebid meeting ne’e rasik, realiza iha salaun enkontru, edifísiu BTL, E.P sentrál, Caicoli.
Prebid meeting ne’e, hodi ko’alia kona-bá atividade prosesu kontinuasaun hosi site visit ne’ebé antes ne’e ekipa DEI ho kompañia sira hala’o ona iha terrenu no prosesu ba oin, molok implementa projetu pakote refere, iha Bobonaro no Aileu.
Projeto kona-bá pakote perfurasaun rekursu bee ne’e, sei reforsa sistema bee ezistente, nune’e hodi fornese bee ba komunidade sira, iha P.A Aileu Villa no Atabae.
Antes ne’e, iha loron 28 to’o 29 fulan dezembru tinan kotuk, ekipa DEI lori kompañia sira ne’ebé partisipa iha prosesu tenderizasaun ba haree ona lokalizasaun rekursu bee, ne’ebé hodi halo perfurasaun nian, iha munisípiu rua ne’e.
Entretantu orsamentu ne’ebé sei prevé ba projetu Pakote Perfurasaun ba Rekursu Bee Moos ba iha P.A Aileu Villa ho Atabae ho montante $ 103,944.30
Prebid meeting no site visit hanesan mandatória iha dokumentu konkursu ba projetu konstrusaun no melloramentu sistema fornesimentu bee moos inklui supply & instalasaun materiál sira.
Share on Social Media:
