Díli, 07/11/2022, Hafoin remata atividade site visit, iha munisípiu Ataúro, ohin ekipa Téknika hosi Aprovizionamentu no Diresaun Enjeñaria no Investimentu (D.E.I) nasionál Bee Timor-Leste, Empreza Públika (BTL, E.P) kontinua hakat ba faze prebit meeting ho kompañia sira, kona-bá projetu Supply and Installation Prefabricated Liner Tank, ne’ebé sei implementa iha munisípiu Ataúro.
Prebid Meeting ne’e, hodi ko’alia kona-bá prosesu kontinuasaun hosi site visit no faze sira tuir mai, relasiona ho projetu Supply and Installation Prefabricated Liner Tank, ne’ebé sei implementa iha munisípiu Ataúro.
Atividade site visit ho prebid meeting ne’e, hanesan rekezitu mandatória iha dokumentu konkursu ba projetu konstrusaun no melloramentu sira.
Entretantu projetu Supply and Installation Prefabricated Liner Tank ne’e, sei implementa iha munisípiu Ataúro, liu-liu ba iha suku tolu, hanesan suku Maumeta Villa, Beloi no Biqueli. Enkuantu tanke rezervatóriu hirak ne’e ho nia kapasidade hanesan suku Maumeta Villa (Villa Maumeta) ho nia kapasidade 310m3, iha suku Beloi ho kapasidade 190m3 no iha suku Biqueli ho nia kapasidade 170m3.
Share on Social Media:
