Díli, 24/07/2025, Prezidente Komisaun Ezekutiva (KE) Bee Timor-Leste, Empreza Públika (BTL, E.P), Sr. Gustavo da Cruz akompaña hosi Diretór O&M BTL, E.P, Aleixo dos Santos partisipa iha reuniaun ba Koordenasaun ho Pontu Fokál Asuntu Parlamentár nian, ne’ebé realiza iha salaun enkontru Palácio das Sinzas, Caicoli.
Sorumutu ne’e, hodi partilla informasaun sira kona-bá atividade parlamentár nian relasiona ho preokupasaun hirak ne’ebé levanta hosi membru Parlamentu Nasionál kona-bá asaun governativa nian, durante sesaun plenária semanál, kada segunda no tersa-feira nomos atividade fiskalizasaun iha terrenu.
Alende ne'e, hanesan mos meius ida, atu fasilita liña koordenasaun no dezenvolve relasaun institusionál entre Ministériu ho efisiénsia no efikásia, hodi bele responde ba kestaun ne’ebé membru Órgaun Lejislativu sira koloka. Enkuantu prezensa pontu fokál sira iha reunaiun ida ne’e importante tebes, atu bele fasilita divulgasaun ba informasaun hotu liga ba asaun governativa ba Órgaun Lejisladór.
Durante iha sorumutu ne’e, iha mos aprezentasaun kona-bá lala’ok asuntu parlamentár nomos relatóriu GAP ba fulan neen nian ligadu koordenasaun ho kada Ministériu, hodi hatan ba preokupasaun Deputadu/a sira nian.
Share on Social Media:
