𝐃𝐢́𝐥𝐢, 𝐓𝐞𝐫𝐬𝐚-𝐟𝐞𝐢𝐫𝐚 𝟏𝟐 𝐌𝐚𝐢𝐮 𝟐𝟎𝟐𝟔
Prezidente Komisaun Ezekutiva (KE) BTL, E.P, Gustavo da Cruz partisipa iha seremónia asinatura kontratu entre EDTL, E.P ho empreza nasionál 51 ba implementasaun projetu eletrifikasaun ba iha aldeia sira. Selebrasaun kontratu ne’e realiza iha salaun São José, Catedral, Díli.
Kontratu ne’e asina hosi Prezidente Komisaun Ezekutiva EDTL, E.P ho kompañia manan nain sira no akompaña ou testemuña hosi S.E Primeiru-Minsitru, Kay Rala Xanana Gusmão, S.E Ministru Obras Públikas, Samuel Marçal, S.E Vise-Ministru Infraestrutura Júlio do Carmo, S.E SEEAS, Santos Noronha.
Projetu eletrifikasaun ne’e, hamutuk pakote 51 ho distánsia media tensaun 130,6Kmc no baixa tensaun 377,42Kmc ho totál orsamentu $ 11,729,720.55 no nia durasaun tempu servisu fulan neen to’o fulan ualu.
Projetu pakote 51 ne’e, sei kobre aldeia no bairo hamutuk 141 no sei benefisia ba uma kain 7,201.
Partisipa iha selebrasaun kontratu ne'e empreza públika no intitutu públiku inklui diresaun hotu ne’ebe tutela iha MOP.
Share on Social Media:
