Díli, 12/12/2025. Diretór Administrasaun no Finansas (DAF) Bee Timor-Leste, Empreza Públika (BTL, E.P), Sidónio Freitas, reprezenta BTL, E.P no hetan apoia hosi pareseiru JICA JICA Timor-Leste, hodi partisipa iha sorumutu Asosiasaun Bee Mundiál (𝐼𝑛𝑡𝑒𝑟𝑛𝑎𝑡𝑖𝑜𝑛𝑎𝑙 𝑊𝑎𝑡𝑒𝑟 𝐴𝑠𝑠𝑜𝑐𝑖𝑎𝑡𝑖𝑜𝑛-IWA) kona-bá Bee no Dezenvolmentu 2025, ne’ebé realiza iha Sentru Konvensaun Bangkok, Thailand, ho tema jerál "Bee, Saneamentu no Inovasaun - Dalan ba Progresu no Futuru ida ne'ebé Reziliente".
Konferénsia ne’e hala’o durante loron haat, hodi halibur péritu ou parte interessada sira hosi nasaun oin-oin, atu bele troka koñesimentu ou partilla esperiénsia, kona-bá papel sentrál, hodi asegura servisu atendimentu bee no saneamentu ne'ebé ekilíbriu, responsável no efetivu ba públiku, iha nasaun ida-idak no rejiaun sira.
Konferénsia ne'e ho temátiku lima mak atu Asegura Bee Potável ne'ebé Seguru: Aproximasaun Inovativu sira ba Tratamentu no Fornesimentu, Avansa Servisu sira Tratamentu no Saneamentu Bee Fo'er nian: Solusaun Sustentável sira ba Ema Hotu, Jestaun Bee Intelijente: Abordajen Integradu ba Jestaun no Planeamentu Bee ne'ebé Efetivu, Hasa'e Jestaun no Operasaun sira Utilidade nian ba Kresimentu Sustentável nomos ikus nian Hametin Governasaun no Sistema Finanseiru ba Dezenvolmentu Longu Prazu.
Durante iha konferénsia IWA kona-bá 𝑊𝑎𝑡𝑒𝑟 𝑎𝑛𝑑 𝐷𝑒𝑣𝑒𝑙𝑜𝑝𝑚𝑒𝑛𝑡 ne'e, hanesan oportunidade ida atu liga ho espesialista no líder globál sira, esplora kolaborasaun foun sira no hetan perspetiva informadu ida, kona-bá asuntu xave sira ne'ebé forma setór no foku ba área lubuk ida hanesan tuir mai ne'e, Atende fornesimentu bee intermitente no atinji servisu 24/7, Abordajen akonomia sirkulár iha bee no saneamentu, Abordajen intelijente ba klima, bee no saneamentu, Sistema bee no saneamentu ne'ebé reziliente ba klima, Foti desizaun bazeia ba dadus iha jestaun bee nian, Avaliasaun no jestaun risku ba inundasaun iha ambiente urbana sira, Inovasaun iha saneamentu ba komunidade sira ne'ebé la hetan atendimentu, Sistema drenajen urbana integradu ba redusaun risku inundasaun, Jestaun integradu ba rekursu bee (IWRM) ba dezenvolmentu sustentável, Solusaun bazeia ba natureza iha fornesimentu, saneamentu no jestaun bee tempestade nian, Teknolojia foun sira ba tratamentu no fornesimentu bee nian, Jestaun bee no fuga sira ne'ebé la'os reseita nian, Parseria sira no kolaborasaun entre parte interesada sira iha jestaun bee nian, Rekuperasaun no reutilizasaun rekursu iha jestaun bee no saneamentu, Papel hosi teknolojia dijitál sira (IoT, AI) iha sistema bee no saneamentu nian nomos Monitorizasaun kualidade bee no sistema monitorizasaun sedu/lalais.
Atividade konferénsia ne’e, hanesan momentu ida mos, hodi prepara planu asaun ba fórum ezekutivu IWA ba bada-VI nian, ne’ebé sei realiza iha tinan oin (2026).
Konferénsia IWA ba tinan ida ne’e, partisipa hosi nasaun sira hosi Ásia hanesan Filipina, Laos, Veitnam, Srilanka, Nepal, Bangladesh, Cambodia, Índia, Pakistaun, Japaun nomos África hanesan Malawi, África de Sul no Uganda.
Share on Social Media:
