RAEOA, 28/11/2024, Diretór Operasaun no Manutensaun (DOM), Bee Timor-Leste, Empreza Públika (BTL, E.P) Aleixo dos Santos, reprezenta BTL, E.P hodi partisipa iha komemorasaun loron Aniversáriu Proklamasaun Independénsia Unilaterál Repúblika Demokrátika Timor-Leste (RDTL) 28 Novembru ba dala-49, iha Rejiaun Administrativa Espesiál Oecusse Ambeno (RAEOA).
Komemorasaun Loron Proklamasaun Independénsia ba dala-49 ne'e, realiza iha RAEOA, ho tema prinsipál "Orgullu ba Ita-nia Identidade no Kultura, Ita Harii Futuru Liberdade, Justisa no Esperansa". Seremónia ne'e, partisipa direta hosi Prezidente Repúblika, Dr. José Ramos Horta, membru Governu, Prezidente PN ho membru PN, Tribunal Rekursu, Eis-titulár sira, parte seguransa F-FDTL no PNTL, Veteranus, nomos konvidadu relevante sira seluk inklui Prezidente Autoridade no komunikadu RAEOA.
Share on Social Media:
