Díli, 02/05/2023. Diretór DOM BTL, E.P, Sr. Aleixo dos Santos, partisipa iha enkontru ho liña ministeriál sira, ligadu ho investimentu Pelican Paradise nian, kona-bá projetu konstrusaun otél “Cinco Estrelas” ne’ebé lokaliza entre Tasi-Tolu (Díli) no Tibar (Liquiça). Reuniaun ne’e, lidera hosi Ministru Koordenadór Asuntus Ekonómikus (MKAE), Joaquim Amaral, iha Timor Plaza, Dili.
Objetivu hosi reuniaun ne'e, hodi halo koordenasaun entre liña ministeriál sira, hodi haree kona-bá bee ne’ebé hodi uza ba servisu konstrusaun projetu refere. Alende ne’e ko’alia mos kona-bá fatin afetadu balun hanesan lokál konfinamentu ou kuarentena Tasi-Tolu nian, atu nune’e labele prejudika investimentu refere.
Partisipa iha enkontru koordenasaun ne’e, Ministru Obras Públikas (MOP), Ministra Saúde (MS), Ministru Koordenadór Asuntus Ekonómikus (MKAE), BTL, E.P, EDTL, E.P, Trade Invest no Pelican Paradise rasik.
Share on Social Media:
