Díli, 18/02/2025. Diretór Administrasaun no Finansas (DAF), Bee Timor-Leste, Empreza Públika (BTL, E.P), Sidónio Freitas, akompaña hosi Jestór Infraetrutura, partisipa iha enkontru koordenasaun téknika kona-bá konsultasaun sidadania ba preparasaun Orsamentu Jerál Estadu (OJE) 2026, iha Ministériu Finansas (MF), Aitarak-Laran.
Realizasaun enkontru koordenasaun téknika ne’e ho objetivu, hodi ko'alia kona-bá faze preparasaun no faze implementasaun nian, liga ba atividade konsultasaun sidadania ou konsulta ho sidadaun nomos asuntu relevante sira seluk.
Tuir planu, atividade konsultasaun ne’e sei hala’o iha munisípiu 13 no RAEOA, iha períodu semana tolu nia laran, hahú hosi loron 10 to’o loron 28 fulan marsu tinan 2025 ne’e.
Reuniaun ne'e, organiza hosi Diresaun-Jerál Planeamentu no Orsamentu (DJPO), MF no partisipa hosi entidade xave sira hosi Ministériu Obras Públikas (MOP), Ministériu Edukasaun (ME), Ministériu Saúde (MS), Ministériu Agrikultura, Pekuária, Peska no Floresta (MAPPF), Ministériu Administrasaun Estatál (MAE), Ministériu Turizmu no Ambiente (MTA), Ministériu Justisa (MJ) no partisipante relevante sira seluk.
Share on Social Media:
