Díli, 22/03/2024, Vise-Prezidente KE BTL, E.P, Gustavo da Cruz, akompaña hosi Diretór DEI no Jestór Peskiza & GIS BTL, E.P, partisipa iha reuniaun interministeriál, ne’ebé realiza iha sala reuniaun, Ministériu Finansas, Aitarak-Laran, Díli.
Enkontru ne'e, lidera hosi Ministra Finansas no partisipa hosi Sekretáriu Estadu Terras & Propriedades ho ekipa, Millennium Challenge Account Timor-Leste, Institutu Públiku, tékniku hosi DNE Ministériu Obras Públikas (MOP) no tékniku hosi Ministériu Agrikultura & Peska (MAP) ho objetivu hodi diskute no finaliza proposta atu prepara bá aprezenta iha Konsellu Ministrus (KM) kona-bá valór indemnizasaun ba rai ne'ebé sei utiliza ba konstrusaun Sentru Jestaun Bee Fo'er no Produsaun Sodium Hypochlorite ba Tratamentu Bee Fo'er, iha Bebonuk.
Share on Social Media:
