𝐃𝐢́𝐥𝐢, 𝐓𝐞𝐫𝐬𝐚-𝐟𝐞𝐢𝐫𝐚 𝟑𝟎 𝐉𝐮𝐧̃𝐮 𝟐𝟎𝟐𝟔.
Prezidente Komisaun Ezekutiva (KE) BTL, E.P, Gustavo da Cruz akompaña hosi Auditora Interna BTL, E.P nian, partisipa iha enkontru diseminasaun kona-bá Prenximentu Matrís Relasiona ho Segimentu ba Rekomendasaun hosi Servisu Auditoria Esternál. Atividade ne’e, realiza iha salaun Auditóriu Kay Rala Xanana Gusmão, Ministeríu Finansas (MF), Aitarak-Laran.
Sesaun ohin, hodi disemina informasaun kona-bá 𝑓𝑜𝑙𝑙𝑜𝑤 𝑢𝑝 ba rekomendasaun hirak ne’ebé antes ne’e hato’o ona hosi Auditoria Esterna Internasionál Ernest & Young (E&Y) iha tinan 2025 liu ba nomos demonstra no esklarese oinsá atu preenxe formatu mastrís ne’e rasik, atu nune’e bele tulun Empreza no Institutu sira, hodi ezekuta no mellora servisu iha instituisaun idak-idak.
Molok atu konklui, parte Inspesaun-Jerál Estadu hosi MF distribui mos matrís 𝑓𝑜𝑙𝑙𝑜𝑤 𝑢𝑝 hosi relatóriu auditoria E&Y nian ba entidade públika sira.
Diseminasaun ne’e organiza hosi Inspesaun-Jerál Estadu no Unidade Inspesaun-Jerál MF partisipa hosi Prezidente Konsellu Administrasaun no tékniku/a hosi Ajénsia Autónoma sira, kargu xefia sira hosi Diresaun hirak ne'ebé tuteladu iha Ministériu sira nomeadamente MOP, MF, MS no Ministériu relevante sira seluk.
Share on Social Media:
