𝐃𝐢́𝐥𝐢, 𝐊𝐢𝐧𝐭𝐚-𝐟𝐞𝐢𝐫𝐚 𝟏𝟕 𝐒𝐞𝐭𝐞𝐦𝐛𝐫𝐮 𝟐𝟎𝟐𝟔
Prezidente Komisaun Ezekutiva (KE) BTL, E.P, Gustavo da Cruz ho Vise-Prezidente KE BTL, E.P ba Asuntu Korporativu, Manuel Tomás Amaral de Carvalho, akompaña S.E Ministru Obras Públikas (MOP), Samuel Marçal, hamutuk ho liña ministeriál relevante sira seluk, hala’o audiénsia públika ho Komisaun C ne’ebé trata asuntu Finansas Públikas, iha sala plenária Parlamentu Nasionál (PN).
Realizasaun audensia públika ohin ho Ministériu lima, ligadu ho Proposta Lei nú. 29/VI (3.ª) Rejime Jerál Taxa Administrativa, nune’e hodi rona 𝑖𝑛𝑝𝑢𝑡 ou observasaun hosi Ministériu sira ne’ebé aplika taxa, molok hakat ba diskusaun iha faze jeneralidade no espesialidade nian.
Objetivu husi Proposta Lei 29/VI/3.ª Rejime Jerál Taxa Administrativa ne'e, mak atu unifika taxa no envolvimentu hotu ne'ebé ministériu sira kobra, atualiza taxa sira iha administrasaun públika, hodi bele garante transparénsia no rigór iha nia aplikasaun nomos parte husi reforma fiskál ne'ebé Ministériu Finansa anunsia ona, atu habelár baze tributária no kombate frauda.
Audiénsia ohin, Komisaun C hala’o ho Ministériu Obras Públikas (MOP), Ministériu Prezidénsia Konsellu Ministrus (MPKM), Ministériu Justisa (MJ), Ministériu Transporte no Komunikasoens (MTK) nomos Ministériu Saúde (MS). Audiénsia ne’e, partisipa mos hosi Vise-Ministru, Sekretáriu Estadu no Ajénsia Autónoma sira ne’ebé tutela iha Ministériu lima ne’e.
Share on Social Media:
