𝐃𝐢́𝐥𝐢, 𝟏𝟕 𝐌𝐚𝐫𝐬𝐮 𝟐𝟎𝟐𝟔. Vise-Prezidente Komisaun Ezekutiva (KE) BTL, E.P ba Asuntu Tékniku, José Filipe Ximenes Smith, akompaña hosi Jestór RP&GIS BTL, E.P, Almeida Boavida partisipa iha aprezentasaun téknika ba proposta investimentu hosi empreza Prime Timor Enterprise, Lda, Sali-Magu, Unip Lda, EMG-MRT Ilimanu, Lda no Emperior S.A, iha salaun enkontru TradeInvest Timor-Leste.
Aprezentasaun ne’e hanesan oportunidade esensiál ba entidade relevante sira, hodi diskute no analiza ba proposta investimentu privadu hosi empreza haat ne’e.
Partisipasaun BTL, E.P ho entidade relevante sira seluk iha aprezentasaun téknika ne’e, atu bele kontribui ho informasaun tékniku no legál kona-bá asesu setór ida-idak ba empreza haat ne’ebé sei halo investimentu iha setór agrikultura, peska no pekuária, turizmu nomos setór indústria iha Timor-Leste.
Sorumutu ne’e partisipa hosi BTL, E.P, ANLA, I.P, SERVE, I.P MKAE no parte relevante sira seluk.
Share on Social Media:
