Díli,12/01/2023, Prezidente Komisaun Ezekutiva (K.E) Bee Timor-Leste, Empreza Públika (BTL, E.P) Eng. Carlos Peloi dos Reis akompaña hosi ekipa BTL, E.P no PMU BTL, E.P nian partisipa iha enkontru entre Ministériu Obras Públikas (MOP), Ministériu Finansas (MF) no Banku Mundiál (WB, sigla inglés), iha salaun enkontru, edifísiu Banku Mundiál, Lecidere.
Enkontru ne’e organiza hosi Banku Mundiál ne’ebé lidera hosi S.E Ministru Obras Públikas (MOP), Eng. Abel Pires da Silva, no Country Representative Timor-Leste, East Asia and Pacific Region Banku Mundiál. Objetivu hosi enkontru ne’e, hodi atualiza progresu kona-bá Timor-Leste Water Supply and Sanitation Project (6559-TP) ou Projetu Abastesimentu Bee no Saneamentu iha Timor-Leste (Melloramentu Sistema Bee Moos no Saneamentu iha Kapitál Munisípiu Baucau) no Dili Water Supply Project (7100-TP) ou Projetu Abastesimentu Bee ba Kapitál Dili Leste.
Alende enkontru entre parte S.E Ministru Obras Públikas (MOP), ekipa Ministériu Finansas, Country Representative Timor-Leste, East Asia and Pacific Region Banku Mundiál ho ekipa no Prezidente KE BTL, E.P ho ekipa, reunaiun ne’e partisipa ou akompaña mos hosi Project Task Team Leader liuhosi virtuál.
Share on Social Media:
