Díli, 19/07/2024, Prezidente Komisaun Ezekutiva BTL, E.P, Eng. Carlos Peloi dos Reis, akompaña Deiretór DEI BTL, E.P, Jestór RP/GIS BTL, E.P, Jestór DCQA BTL, E.P, hamutuk ho MCC, MCA-TL, I.P, ANLA, I.P, ADN, I.P no SGP, hodi rona aprezentasaun hosi ekipa Nicholas O’Dwyer (NOD), kona-bá progresu servisu, liga ba preparasaun no dezeñu sistema tratamentu bee foer nian, enkontru ne’e, hala’o iha Timor-Plaza.
Tuir kompañia internasional Nicholas O’Dwyer (NOD), durante ne’e hasoru dezafiu maka prosesu servisu hirak ne’e lao tarde no mos prosesu libertasaun rai iha Bebonuk.
Além de ne’e, BTL, E.P, MCA-TL, I.P no MCC atualiza progresu servisu ba prosesu implementasaun ba projetu ne’e. Iha oportunu ne’e mos troka impresaun no ideia, atu bele rezolve dezafiu, liga ba prosesu libertasaun rai, nune’e projetu bele implementa tuir tempu, ne’ebé selebra ona iha akordu Compact nia laran.
Share on Social Media:
