Díli, 13/06/2025. Prezidente Komisaun Ezekutiva (KE) Bee Timor-Leste, Empreza Públika (BTL, E.P), Gustavo da Cruz hamutuk PMU/MOP Bee no Saneamentu ho Diretór Jerál Ministériu Finanças, kontinua diskute ho misaun ADB, kona-bá realokasaun Fundus 𝐺𝑟𝑎𝑛𝑡 no 𝐿𝑜𝑎𝑛 ba Projetu Bee & Saneamentu, iha Edifísiu ADB, Farol.
(Média BTL, E.P).
Reuniaun ne'e, hodi deskute kona-bá realokasaun fundus grant no empréstimu ne’ebé sita ona iha leten, ligadu ho projetu bee no saneamentu ba munisípiu Lautém, Manufahi no Díli Oeste nian. Alen de ne’e, ko’alia mos kona-bá ajenda atu hala’o vizita ou 𝑠𝑖𝑡𝑒 𝑣𝑖𝑠𝑖𝑡 ba lokál projetu intake foun, iha Railaco nian, inklui aprezenta konseitu ba aproximasaun 𝑢𝑝𝑠𝑡𝑟𝑒𝑎𝑚 foun hodi hametin seguransa bee iha Díli.
Hafoin enkontru, ohin, ekipa BTL, E.P ho ADB nian kontinua hala’o vizita ba Tibar, hodi observa direta estasaun tratamentu bee fo’er (ETAR, sigla portugés), iha Tibar.
No iha loron tuir mai, ekipa konjunta ne’e sei nafatin hala’o site visit ba fatin ou intake foun iha Railaco ne’ebé sei akompaña mos hosi ADB 𝐶𝑜𝑛𝑠𝑢𝑙𝑡𝑎𝑛𝑡.
Share on Social Media:
