Díli, 03/01/2025. Vise-Prezidente Komisaun Ezekutiva (KE) Bee Timor-Leste, Empreza Públika (BTL, EP) ba Asuntu Tékniku, Sr. José Filipe Ximenes Smith akompaña hosi Diretór DAF, Jestór Infraestrutura no tékniku DEI, Monitoriza projetu Water System Emergency Repair Bee Moos Section 3, Dili and Aileu Municipality, iha área Casnafar.
Atividade ne’e, hodi observa direta obra fíziku kona-bá melloramentu sistema bee, liu-liu instalasaun liña transmisaun bee iha área Casnafar nian.
Maibé wainhira ekipa BTL, E.P to'o iha terrenu, identifika katak, pipa transmisaun ne'ebé kompañia instala ona hetan estragus ou kotu no popypipe balun bee mota lori, hafoin akontese udan iha loron hirak liu ba, maibé parte kompañia nafatin esforsu hodi finaliza projetu ne’e.
Durante iha vizita ne’e, Vise-Prezidente KE BTL, E.P ba Asuntu Tékniku husu ba Diretór kompañia no tékniku sira ne’ebé halo servisu iha terrenu, atu kuidadu-aan no matan moris neon na’in, tanba daudaun ne’e, tempu udan, nune’e sempre akontese udan no mota boot.
Projetu melloramentu liña transmisaun ne’e ho distánsia metru 600-resin (684.4m) no Polypipe ne’ebé atu troka kanu tuan ne’e ho medida PE NOD 450. Enkuantu kustu ba obra refere ho totál $ 304,101.74 no ezekuta hosi kompañia Reinassance Unip Lda.
Enkuantu liña transmisaun refere mak sei kanaliza bee hosi intake Tohumeta ba tanke rezervatóriu sira iha ETA Bemos no Central, hafoin hodi distribui fila-fali ba konsumidór sira.
Iha biban ne’e, Ezekutivu BTL, E.P ho ekipa observa mos kanu transmisaun tuan, maibé kondisaun di’ak no la hetan estragu
Share on Social Media:
