Bobonaro, 21/02/2025, Hafoin remata iha atividade sosializasaun Vise-Prezidente Komisaun Ezekutiva (KE) Bee Timor-Leste, Empreza Públika (BTL, E.P) ba Asuntu Tékniku, Sr. José Filipe Ximenes Smith, Vise-Prezidente Komisaun Ezekutiva (KE) Bee Timor-Leste, Empreza Públika (BTL, E.P) ba Asuntu Korporativu, Sr. Manuel Tomás Amaral de Carvalho, akompaña hosi Diretór Diresaun Enjeñaria no Investimentu (DEI), Jestór Infraestrutura, Enjiñeiru, Koordenadór Munisípiu Bobonaro ho ekipa inklui autoridade lokál sira, observa direta fatin ne’ebé atribui ona ba BTL, E.P, iha Postu Administrativu Balibo, munisípiu Bobonaro.
Tuir planu, fatin refere sei kontroi balkaun BTL, E.P nian, nune’e projetu melloramentu sistema bee moos ne’ebe sei implementa iha postu refere finaliza, hodi bele fó atendimentu ba kliente sira iha Balibo.
Alen de ne’e, ekipa ne’ebé lidera hosi Vise-Prezidente KE BTL, E.P ba Asuntu Tékniku no Vise-Prezidente KE BTL, E.P ba Asuntu Korporativu ne’e, kontinua hala’o vizita ba bee matan Slaben A no B, hodi observa presaun bee no kondisaun fatin.
Rekursu ou bee matan Slaben A no B inklui Luli-Matan mak sei utiliza, hodi kanaliza bee moslos ba populasaun sira iha postu Balibo.
Share on Social Media:
