Ataúro, 18/01/2023, Jestór hosi Departamentu Infraestrutura akompaña hosi Supervisor Bee Timor-Leste, Empreza Públika (BTL, E.P) nian, ne’ebé destakadu iha Ataúro, iha loron 12 fulan janeiru tinan ne’e, halo monitorizasaun ba projetu konstrusaun sistema bee moos (Faze I), ne’ebé implementa hela iha munisípiu Ataúro.
Objetivu hosi monitorizasaun ne’e, hodi observa direta progresu servisu fíziku ne’ebé la’o hela iha terrenu, atu bele garante kualidade projetu ne’e rasik, nune’e wainhira obra refere finaliza, komunidade sira bele utiliza to’o tempu naruk.
Tuir ekipa monitorizasaun katak, projetu fíziku daudaun ne’e, atinji ona pursentu 25.021 (25.02%).
Enkuantu projetu refere ezekuta hosi kompañia Always Construction Unipessoal Lda, hahú iha fulan setembru tinan kotuk, ho durasaun tempu fulan neen no kustu ne’ebé gasta ba projetu ne’e rasik hamutuk $ 836,897.82.
Entretantu sistema bee moos ne’e, iha futuru sei kobre iha suku tolu, hanesan suku Villa Maumeta, Beloi no Bikeli, munisípiu Ataúro no sei benefisia ba komunidade uma kain 792 ho totál populasaun 4750, alende ne’e sei fornese mos bee ba instituisaun sira hanesan eskola, edifísiu administrasaun, kapela, sentru saúde.
Share on Social Media:
