Ataúro, 05/11/2022, Ekipa nasionál Bee Timor-Leste, Empreza Públika (BTL, E.P) hosi Diresaun Enjeñaria no Investimentu (D.E.I) lori kompañia sira bá hala’o site visit ba projetu Supply and Installation Prefabricated Liner Tank, ne’ebé sei implementa iha munisípiu Ataúro.
Atividade site visit ne’e hala’o durante loron ida, ho objetivu mak Tékniku ou Enjeñeiru hosi D.E.I lori kompañia sira ne’ebé partisipa iha prosesu tenderizasaun, bá haree ou observa direta fatin ne’ebé sei implementa projetu refere, durante atividade ne’e, ekipa D.E.I mos hatudu fatin nomos esplika dezeñu lokál instalasaun tanke ba ekipa kompañia nian, atu nune’e sira bele iha ona vizaun jerál ou sira bele hatene ona fatin instalasaun refere, wainhira sira manan bele implementa tuir dezeñu ne’ebé mak ekipa D.E.I esplika ona ba sira. No atyividade site visit ne’e, akompaña mos hosi Fasilitadór ho ekipa P.A Ataúro, munisípiu Ataúro.
Tékniku D.E.I informa, tuir planu tanke rezervatóriu hirak ne’e, sei instala iha suku tolu hanesan, suku Maumeta Villa (Villa Maumeta) ho nia kapasidade 310m3, iha suku Beloi ho kapasidade 190m3 enkunatu iha suku Biqueli h onia kapasidade 170m3.
Tuir informasaun, hafoin atividade site visit remata, ekipa D.E.I kontinua dezloka ba Acrema, hodi halo monitorizasaun ba kanalizasaun sistema bee ne’ebé ekipa tékniku hosi Diresaun Operasionál no Manutensaun (D.O.M) instala ona iha fatin refere. Monitorizasaun ne’e hodi garante kualidade projetu sistema bee ne’e rasik, nune’e komunidade sira iha Acrema bele asesu sistema refere ba tempu naruk.
Share on Social Media:
