Bobonaro, 06/10/2022, Ekipa Nasionál hosi Diresaun Enjeñaria no Investimentu (D.E.I) Bee Timor-Leste, Empreza Públika (BTL, E.P) hamutuk ho Koordenadór BTL, E.P munisípiu Bobonaro hala’o vizita ba projetu konstrusaun Estasaun Tratamentu Bee (WTP, sigla inglés) no bee ulun iha Maliana, munisípiu Bobonaro.
Objetivu hosi vizita ne’e, hodi haree progresu konstrusaun fíziku hosi projetu refere, ne’ebé daudaun ne’e, la’o hela iha Maliana, nune’e hodi halo verifikasaun ba obra ne’e, wainhira to’o ona iha pursentu 70 (70%), mak sei prosesa nia pagamentu.
Diretór D.E.I informa, bee ulun Maliana ne’e, planeia ona sei instala Sistema Gallery ne’ebé sei lori bee ou fornese bee ba populasaun sira iha Maliana, munisípiu Bobonaro no populasaun ne’ebé sei asesu ba sistema refere hamutuk rihun 15. 501, kompostu hosi suku lima, hanesan suku Lahomea, Holsa, Kodomau, Raifun no Ritabou.
Fundus ne’ebé utiliza hodi finansia ba projetu ne’e, hamutuk Dolar Amerikanu $ 539,284.34 no obra refere hala’o hosi kompañia Lavida Unip Lda. No tuir planu projetu ne’e sei finaliza iha fulan Novembru tinan 2022 ne’e.
Share on Social Media:
