Ermera, 09/11/2022, Tékniku Operadór (T.O) Bee Timor-Leste, Empreza Públika (BTL, E.P) munisípiu Ermera hamutuk ho traballadór Mão de Obra (MdO) halo mudansa ba kanu distribuisaun bee, iha munisípiu Ermera.
Ekipa rua ne’e (T.O BTL, E.P no MdO), halo servisu hodi muda kanu distribuisaun bee 2” iha bairu rua, hahú hosi Meskita (Masjid) to’o parte igreja nian, hodi halo normalizasaun ba liña distribuisaun iha fatin rua ne’e.
Tékniku operadór no traballadór sira halo mudansa ba liña distribuisaun refere, tamba antes ne’e, instalasaun kanu distribuisaun hirak ne’e, liuhosi mota ninin nomos balun liuhosi komunidade sira-nia uma okos.
Ho mudansa ne’e, atu labele fó impaktu ou afeta direta ba liña distribuisaun bee, wainhira akontese mota boot ou dezastre naturais, atu nune’e bele garante nafatin abastesimentu bee ba komunidade sira.
Share on Social Media:
