Díli, 01/12/2025. Vise-Prezidente Komisaun Ezekutiva (KE) Bee Timor-Leste, Empreza Públika (BTL, E.P) ba Asuntu Tékniku, José Filipe Ximenes Smith hamutuk ho Diretór DEI, João da Cruz Cardoso akompaña hosi Jestór Infraestrutura no Enjeñeiru DEI monitoriza projetu perfurasaun bee iha Metinaro.
Atividade monitorizasaun ne'e hodi observa direta servisu fíziku iha terrenu nomos hodi hatene persentajen hosi obra ne'e rasik, nune'e atu bele garante kualidade projetu referidu.
Bazeia ba rezultadu monitorizasaun iha terrenu, obra fíziku hosi projetu perfurasaun ne'e, atinji ona pursentu 100% no tuir planu aban, hahú halo bombeamentu (pumping test).
Projetu emerjénsia perfurasaun bee iha Hera mak ikus ona, hosi pakote 𝐸𝑚𝑒𝑟𝑔𝑒𝑛𝑐𝑦 𝑃𝑟𝑜𝑗𝑒𝑐𝑡 𝑓𝑜𝑟 𝑊𝑎𝑡𝑒𝑟 𝐷𝑟𝑖𝑙𝑙𝑖𝑛𝑔 𝑊𝑜𝑟𝑘𝑠 𝑖𝑛 𝐶𝑎𝑝𝑖𝑡𝑎𝑙 𝐷𝑖́𝑙𝑖. Orsamentu ba pakote perfurasaun ne'e, mai hosi Fundus Infraestrutura (FI) ho montante $ 258,534.23 no implementa hosi kompañia Alifa Pereira Unipessoal Lda.
Sistema bomba refere iha futuru, sei fornese bee ba populasaun sira iha suku Sabuli, Metinaro
Share on Social Media:
