Díli, 01/08/2024. Vise-Prezidente Komisaun Ezekutiva (KE) Bee Timor-Leste, Empreza Públika (BTL, E.P) ba Asuntu Sistema Bee, Saneamentu no Drenajen, Sr. Gustavo da Cruz, akompaña hosi Jestór O&M, hamutuk ho ekipa BIR sira seluk hosi Ministériu Obras Públikas (MOP) akompaña S.E Ministru Obras Públika (MOP), Samuel Marçal halo monitorizasaun ba projetu reabilitasaun estrada, konstrusaun valeta no sistema bee, iha kapitál Díli.
Atividade monitorizasaun ne’e, hodi observa direta servisu fíziku iha terrenu, atu nune’e hodi hatene progresu servisu hosi projetu hirak ne’e.
Durante monitorizasaun projetu iha terrenu, identifika mos kanu balun ne’ebé instala seidauk di’ak, ho nune'e Ministru Obras Públikas fó kedas orientasaun ba BTL, E.P atu bele hadi’a imediatu, nune’e bele garante nafatin servisu abastesimentu bee moos ba konsumidór sira. No parte BTL, E.P anota no sei orienta tékniku sira, atu bele hadi’a kanu hirak ne’e, iha tempu badak.
“𝐴𝑡𝑖𝑣𝑖𝑑𝑎𝑑𝑒 𝑜ℎ𝑖𝑛, 𝑎𝑘𝑜𝑚𝑝𝑎𝑛̃𝑎 𝑆.𝐸 𝑀𝑖𝑛𝑖𝑠𝑡𝑟𝑢 𝑂𝑏𝑟𝑎𝑠 𝑃𝑢́𝑏𝑙𝑖𝑘𝑎𝑠 ℎ𝑜𝑑𝑖 ℎ𝑎𝑙𝑜 𝑚𝑜𝑛𝑖𝑡𝑜𝑟𝑖𝑧𝑎𝑠𝑎𝑢𝑛 𝑛𝑜 𝑖ℎ𝑎 𝑜𝑟𝑖𝑒𝑛𝑡𝑎𝑠𝑎𝑢𝑛 𝑏𝑎𝑙𝑢𝑛 𝑛𝑒’𝑒𝑏𝑒́ 𝑙𝑖𝑔𝑎 𝑏𝑎 𝑝𝑟𝑜𝑗𝑒𝑡𝑢 𝑒𝑠𝑡𝑟𝑎𝑑𝑎 𝑛𝑜𝑚𝑜𝑠 𝑖ℎ𝑎 𝑚𝑒𝑙𝑙𝑜𝑟𝑎𝑚𝑒𝑛𝑡𝑢 𝑏𝑒𝑒 𝑖𝑑𝑎 𝑛𝑒’𝑒𝑏𝑒́ 𝑚𝑎𝑘 𝑠𝑒𝑟𝑣𝑖𝑠𝑢 𝑘𝑜𝑛𝑗𝑢𝑛𝑡𝑎 ℎ𝑜 𝑒𝑠𝑡𝑟𝑎𝑑𝑎 𝑛𝑖𝑎𝑛. 𝐼ℎ𝑎 𝑝𝑜𝑛𝑡𝑢 𝑏𝑎𝑙𝑢𝑛 𝑛𝑒’𝑒𝑏𝑒́ 𝑆𝑒𝑛̃𝑜𝑟 𝑀𝑖𝑛𝑖𝑠𝑡𝑟𝑢 𝑜𝑟𝑖𝑒𝑛𝑡𝑎 𝑝𝑎𝑟𝑎 𝑏𝑒𝑙𝑒 ℎ𝑎𝑑𝑖’𝑎 𝑡𝑖ℎ𝑎 𝑘𝑎𝑛𝑢 𝑠𝑖𝑟𝑎 𝑛𝑒’𝑒,” dehan Ezekutivu BTL, E.P
Ohin, ekipa konjunta ne’ebé lidera hosi Ministru Obras Públikas observa ou halo monitorizasaun ba projetu emerjénsia sira ne'e, hahú hosi Bairo-Pité, Delta 4, Bebonuk no Aimutin, Aitarak-Laran.
Share on Social Media:
