Ermera, 07/05/2025, Prezidente Komisaun Ezekutiva, Bee Timor-Leste, Empreza Públika (BTL, E.P), Sr Prezidente Komisaun Ezekutiva, Bee Timor-Leste, Empreza Públika, Sr. Gustavo da Cruz, Vise-Prezidente Komisaun Ezekutiva BTL, E.P, ba Asuntu Tékniku, Vise-Prezidente KE BTL, E.P ba Asuntu Tékniku, Sr. José Filipe Ximenes Smith, Vise-Prezidente KE BTL, E.P, ba Asuntu Korporativu, Sr. Manuel Tomás Amaral de Carvalho, Diretór DEI BTL, E.P, Jestór Infratrutura BTL, E.P ho ekipa, lansa projetu melloramentu ba sistema fornesimentu bee moos ba faze primeiru kanlizasaun nian, ne’ebé hala’o iha Edifísiu Administrasaun Postu Hatolia A.
Iha intervensaun, Prezidente Komisaun Ezekutiva, Bee Timor-Leste, Empreza Públika, Sr. Gustavo da Cruz, informa komunidade sira postu Hatolia A katak, Polítika IX governu iha vontade tau preoridade ba setór bee no saneamentu, ne’eb’e sei foka liu halo investimentu iha kapitál postu administrativu sira iha territóriu nasionál, ne’ebé fora hosi kapitál munisípiu.
Prezidente BTL, E.P afirma, BTL, E.P iha planu negósiu ba preoridade sira, ne’ebé maka sei foka liu iha postu administrativu sira, dadaun ne’e iha Timor-Leste, kapitál postu administrativu, ne’ebé eziste fora hosi kapitál munisípiu sira ne’e, hamutuk 52, ne’ebé BTL, E.P aposta nia estratéjia hodi mellora sistema bee moos iha postu administrativu 52 no mos kapitál munisípiu sira.
Ezekutivu ne’e akresenta liu tan, lansamentu ba projetu melloramentu ba sistema fornesimentu bee moos ida ne’e, konsidera mos preoridade liu ba postu administrativu Hatolia A, nune’e komunidade sira, bele kopera no kontribui ba prosesu implementasaun ba projetu ida ne’e, atu bele finaliza tuir termu kontratu, ne’ebé estabelese ona.
Lider maxímu BTL, E.P mos husu ba kompañia implementadór, tenki servisu makaas hodi kumpri ba ba kalendáriu kontratu no ha’u sei la tolera kompañia atu fo razaun klasiku, maibé kumpri durasaun ba kontratu ne’e rasik, wainhira la tuir kontratu ida ne’e maka BTL, E.P sei toma medidas rigorozu ba kompañia refere.
Iha fatin hanesan, Administrador postu administrativu Hatolia A, Bonifácio da Silva Araújo, senti kontente tebes, tamba governu liu hosi BTL, E.P bele kanaliza bee mai postu ida ne'e.
Autoridade nee afirma katak, kompañia implementadór tenki halo servisu garante kualidade obra no mos bele finaliza projetu ida nee tuir termu kontratu neede estabelese ona.
Obra ida ne’e sei finansia ho orsamentu dollar amerikanu $ 620,193.36, nune’e moa benefisiáriu ba sistema bee moos ida ne’e uma kain hamutuk 469 ho nia populasaun 2.814 no mos edifísiu públiku sira hanesan, eskola, saúde, PNTL, Administrasaun no Igreja.
Share on Social Media:
